Молитва святой марии о помощи. Текст молитвы может звучать так
«Богородичным правилом» называется чтение 150 раз в сутки Архангельского приветствия: «Богородице Дево, радуйся
, Благодатная Марие, Господь с Тобою, благословенна Ты в женах и благословен Плод чрева Твоего, яко Спаса родила еси душ наших!»
Существует церковное предание, что Сама Царица Небесная дала людям это правило в VIII веке, и его исполняли когда-то все христиане, но со временем оно забылось.
Преподобный Серафим Саровский напомнил об этом правиле, наставляя ходить по канавке, обведенной вокруг Дивеевской обители, читая 150 раз «Богородице Дево, радуйся …»
В келий старца нашли старинную книжку с описанием чудес, происходящих с людьми, исполняющими это правило чтения 150 раз Архангельского обрадования Царице Небесной.
В своей беседе с Мотовиловым о цели христианской жизни преподобный Серафим Саровский сказал:
«Хотя враг дьявол и обольстил Еву и с нею пал Адам, но Господь не только даровал им Искупителя в плоде семени жены, смертию смерть поправшаго, но и дал всем нам в Жене Приснодеве Богородице Марии, стершей в Самой Себе и во всем роде человеческом главу змиеву, неотступную Ходатаицу к Сыну Своему и Богу нашему, непостыдную и непреоборимую Предстательницу даже за самых отчаянных грешников. Поэтому Божия Матерь и называется Язвою бесов, ибо нет возможности бесу погубить человека, лишь бы только сам человек не отступил от прибегания к помощи Божией Матери».
Многие пастыри высокой духовной жизни исполняли сами Богородичное правило и благословляли на это делание своих духовных чад.
Вот отрывок из письма кротчайшего отца Александра (Гумановского), в монашестве Даниила, прозванного за свою любовь и постоянное служение Приснодеве Марии Богородичным старцем: «Забыл я вам предложить существенный спасительный совет. Читать ежедневно 150 раз «Богородице Дево», и эта молитва вас спасет. Это правило дала Сама Матерь Божия около VII-го века, и его исполняли когда-то все христиане. Мы, православные, забыли о нем, и преподобный Серафим напоминает нам об этом правиле. У меня в руках рукописная книга из келии преподобного Серафима с описанием множества чудес по молитве к Богоматери, и в частности от чтения 150 раз «Богородице Дево». Если по непривычке трудно будет одолевать ежедневно 150 раз, читайте по началу 50 раз. После каждого десятка читайте один раз «Отче наш» и «Милосердия двери отверзи нам». Кому бы ни говорил об этом правиле чудодейственном, все оставались благодарны».
Епископ Серафим (Звездинский), ныне прославленный в сонме святых новомучеников и исповедников Российских, ежедневно совершал Богородичное правило и на собственном опыте знал его могучую силу.
В 1926 году Владыка Серафим (Звездинский) проживал в Дивеев-ском монастыре. Зиму он жил в комнатах Елены Ивановны Мотовиловой, в их корпусе, за «канавкой». Игуменья Александра успокаивала: «Живите спокойно, большевики не тронут этого места. Преподобный Серафим говорил, что канавка станет стеной от земли до неба, и антихрист не перейдет за нее». «Вы не так понимаете слова Преподобного, — отвечал Владыка. — Он учил читать полтораста раз «Богородице Дево, радуйся…» и говорил: «Кто исполняет это правило, душой того и антихрист не одолеет никогда».
Вот, что писал он из ссылки своим духовным чадам: «Свершаю длинный и долгий путь с пересадками, утомительными стоянками. Но весь этот путь от Меленков до Москвы, от Москвы до Алма-Аты, от Алма-Аты до Уральска, предстоящий от Уральска до Гурьева на Каспийском море есть путь дивный и незабвенный. Кратко сказать, это есть путь чудес от чтения 150 раз «Богородице Дево, радуйся!» Порою думается, что Господь нарочито и послал меня этим путем, чтобы воочию показать мне, сколько сильна пред Ним молитва Пречистой Его Матери и сколь действенно приносимое Ей с верою Архангельское приветствие: «Богородице Дево, радуйся!». Верую и исповедую, яко аз познах, как никогда еще, на совершаемом мною сейчас пути все тепло, всю защиту, весь покров чудного приветствия сего «Богородице Дево, радуйся!» Это воззвание в самых непроходимых местах пролагало мне углаженную дорогу с верными моими спутниками, в безвыходных обстоятельствах давало выход, располагало нерасположенных ко мне, злые сердца неоднократно умягчало, а несмягчавшиеся и обжигало, и посрамляло. Яко изчезати им яко дым. Архангельское приветствие «Богородице Дево, радуйся!» полной безпомощности вдруг подавало неожиданную помощь и притом с такой стороны, откуда и невозможно было никак ожидать, не говорю уже о внутреннем мире среди бурь, о внутреннем устроении при окружающем неустройстве от сего приветствия Архангельского, праведно движимый гнев Божий оно от главы нашей отстраняет и самый приговор Судии-Сердцеведца отменяет. О великое дерзновение! О страшное заступление! Из огня страстей изымает, со дна падения горе к небесам восхищает. Ограждайте же себя чаще и усерднее, деточки мои милые, сею стеною нерушимою, оградою сею неразоримою «Богородице Дево, радуйся!» С сею молитвою никак не погибнем, в огне не сгорим, в море не потонем. Если же сатана, ненавидящий нас, и запнет нас на пути нашем и сшибет нас, то и тогда Архангельское приветствие воссылая, воспрянем, восстанем добре, затемненные просветимся, больные душой исцелимся, загрязненные грехом очистимся и убелимся, яко снег чистотою, молитвою «Высшей небес и Чистейшей светлостей солнечных». Мертвые, убитые страстьми, воскреснем, оживем и в восторге духа возопием: «Христос воскресе! Воистину воскресе!»
Молитвы Богородице
Молитва первая
О Пресвятая Госпоже Владычице Богородице! Воздвигни нас, раб Божиих (имена) из глубины греховныя и избави нас от смерти внезапныя и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.
Молитва вторая
Пресвятая Дево, Мати Господа, покажи на мне, убозем, и рабах Божиих (имена) древния милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшнем Суде. Ты бо еси, Госпоже, слава небесных и упование земных. Аминь.
Молитва третья
Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую во веки. Аминь.
Молитва четвертая
Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.
Молитва пятая
Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света - Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков. Аминь.
Молитва шестая
О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, "Всех скорбящих Радосте", услыши и мя, скорбнаго; Ты, именуемая "Утоление печали", утоли и мою печаль; Ты, "Купино Неопалимая", сохрани мир и всех нас от вредоносных огненных стрел врага; Ты, "Взыскание погибших", не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.
Молитва Богородице перед иконой Неупиваемая чаша
Молитвы ко Пресвятой Богородице
Молитва Богородице Дево, радуйся
Бо-го-ро́-ди-це Де́-во, ра́-дуй-ся, бла-го-да́т-ная Ма-ри́е, Гос-по́дь с То-бо́ю, Благослове́нна Ты в же-на́х и бла-го-сло-ве́н Плод чре́-ва Тво-его́, я́ко Спа́-са родила́ еси́ душ на́-ших.
Достойно есть
Досто́йно есть я́ко во-и́с-ти-ну блажи́ти Тя, Богоро́дицу, Присноблаже́нную и Пренепоро́чную и Ма́-терь Бо́-га на́-ше-го. Чест-не́й-шую Хе-ру-ви́м и сла́в-ней-шую без срав-не́-ния Се-ра-фи́м, без истле́ния Бо́-га Сло́ва ро́ждшую, су́-щую Богоро́дицу Тя ве-ли-ча́-ем.
Царице моя Преблагая
Ца-ри́-це моя́ Преблага́я, На-де́ж-до моя́, Бо-го-ро́-ди-це, При-я́те-ли-ще си́-рых и стра́н-ных Предста́тельнице, скор-бя́-щих Ра́-дос-те, оби́-ди-мых Покрови́тельнице!
Зри́ши мою́ беду́, зри́ши мою́ скорбь; помози́ ми, я́ко не́мощну, окорми́ мя, я́ко стра́нна! Оби́ду мою́ ве́-си, разреши́ ту, я́ко во́лиши: яко не и́мам ины́я по́-мо-щи, ра́-зве Те-бе́, ни ины́я Предста́тельницы, ни благи́я Уте́шительницы, то́кмо Те-бе́, о Бо-го-ма́-ти! Я́ко да сохрани́ши мя и покры́еши во ве́-ки ве-ко́в. Ами́нь.
Кондак Пресвятой Богородице
Не и́мамы ины́я по́мощи, / не и́мамы ины́я наде́жды, / ра́зве Тебе́, Влады́чице. / Ты нам помози́, / на Тебе́ наде́емся, и Тобо́ю хва́лимся. / Твои́ бо есмы́ раб́и, да не постыди́мся.
Кондак Взбранной Воеводе победительная
Взбра́нной Воево́де победи́тельная, я́ко из-ба́вль-ше-ся от злых, бла-го-да́р-ствен-ная воспису́ем Ти раби́ Твои́ Бо-го-ро́-ди-це: но я́ко иму́щая держа́ву непобеди́мую, от вся́-ких нас бед сво-бо-ди́, да зо-ве́м Ти: Ра́-дуй-ся Не-ве́с-то Не-не-ве́ст-ная.
Песнь Богородицы
Вели́чит душа́ Моя́ Го́спода, и возра́довася дух Мой о Бо́зе Спа́се Мое́м.
Честне́йшую херуви́м и сла́внейшую без сравне́ния серафи́м, без истле́ния Бо́га Сло́ва ро́ждшую, су́щую Богоро́дицу, Тя велича́ем.
Я́ко призре́ на смире́ние рабы́ Своея́, се бо от ны́не ублажа́т Мя вси ро́ди.
Честне́йшую херуви́м…
Я́ко сотвори́ Мне вели́чие Си́льный, и свя́то и́мя Его́, и ми́лость Его́ в ро́ды родо́в боя́щимся Его́.
Честне́йшую херуви́м…
Сотвори́ держа́ву мы́шцею Свое́ю, расточи́ го́рдыя мы́слию се́рдца их.
Честне́йшую херуви́м…
Низложи́ си́льныя со престо́л, и вознесе́ смире́нныя; а́лчущия испо́лни благ, и богатя́щияся отпусти́ тщи.
Честне́йшую херуви́м…
Восприя́т Изра́иля о́трока Своего́, помяну́ти ми́лости, я́коже глаго́ла ко отце́м на́шим, Авраа́му и се́мени его́ да́же до ве́ка.
Честне́йшую херуви́м…
Православное почитание Богоматери
Православная Церковь содержит о Богородице то, что Священное Предание и Священное Писание сообщили о Ней, и ежедневно прославляет Её в своих храмах, прося у Неё помощи и защиты. Зная, что Ей приятны лишь те восхваления, которые соответствуют Её действительной славе, святые отцы и песнописцы у Неё Самой и у Её Сына молили вразумить их, как воспевать Её: «Огради помышления моя, Христе мой, ибо Чистую Матерь Твою воспети дерзаю» (Икос Успения). «Церковь учит, что Христос истинно родился от Марии Приснодевы» (св. Епифаний Кипрский. Истинное слово о вере). «Необходимо нам исповедовать, что Святая Приснодевственная Мария действительно есть Богородица, чтобы не впасть в злохуление. Ибо отрицающие, что Святая Дева действительно есть Богородица не суть уже верные, но ученики фарисеев и саддукеев» (Преп. Ефрем Сирин. Монаху Иоанну).
Из Предания известно, что Мария была дочь престарелых Иоакима и Анны, причём, Иоаким происходил из царственного рода Давида, а Анна — из священнического рода. Несмотря на такое знатное происхождение, они были бедны. Однако не это печалило этих праведных людей, а то, что они не имели детей и не могли надеяться, что их потомок увидит Мессию. И вот, когда однажды, презираемые евреями за своё неплодие, они оба в горести души возносили Богу молитвы, Иоаким на горе, где уединился после того, как священник не захотел принести его жертвы в храме, а Анна у себя в саду, оплакивая своё бесплодство, тогда явился им Ангел, и сообщил, что они родят дочь. Обрадованные, они обещали посвятить своё дитя Богу.
Через 9 месяцев родилась у них дочь, названная Мариею, с раннего детства проявившая наилучшие душевные качества. Когда Ей исполнилось три года, родители, исполняя обещание, торжественно отвели в иерусалимский храм малую Марию, Которая сама взошла по высоким ступенькам, а встретившим Её Первосвященником, по откровению Божию, введена была в самое Святое Святых, совводя с Собой почивавшую на ней благодать Божию в дотоле безблагодатный храм (Кондак Введения. Это был вновь построенный храм, в который слава Божия не сходила, как в Скинию или Соломонов). Она поселилась в существовавших при храме помещениях для дев, но так много времени проводила в молитве во Святом Святых, что, можно сказать, жила в нём (Стихиры Введения, на «Господи воззвах» 2-я и на «Славу и ныне»). Украшенная всеми добродетелями, Она явила пример необычайно чистой жизни. Всем покорная и послушная, Она никого не оскорбила, никому не сказала грубого слова, ко всем была приветлива, даже не допускала скверной мысли. (Сокращенно из св. Амвросия Медиоланского. О Приснодевстве Девы Марии).
«Несмотря на праведность и непорочность жизни, которую проводила Богородица, грех и вечная смерть проявляли в Ней своё присутствие. Они не могли не проявляться: таково точное и верное учение Православной Церкви о Богоматери по отношению к первородному греху и смерти» (Епископ Игнатий Брянчанинов. Изложение учения Православной Церкви о Божией Матери). «Чуждая греховного падения» (св. Амвросий Медиоланский. Толкование Пс. 118). Она не была чужда греховных искушений. «Ведь один Бог без греха» (св. Амвросий Медиоланский. Там же), а человек всегда будет иметь в себе, что нужно ещё исправить и усовершенствовать, чтобы выполнить Божию заповедь: «Святи будите, яко Аз свят есмь, Господь Бог ваш» (Лев. 19:2). Чем чище кто и совершеннее, тем больше он замечает свои несовершенства и тем недостойнее себя считает.
Дева Мария, всю Себя отдавшая Богу, хотя и отражала от Себя всякое поползновение ко греху, сильнее других ощущала слабость человеческой природы и пламенно желала прихода Спасителя. Она в смирении почитала Себя недостойной быть и служанкой имеющей Его родить Девы. Чтобы ничто не отвлекало Её от молитвы и внимания к Себе, Мария дала Богу обет безбрачия, дабы всю Свою жизнь угождать лишь Ему. Обрученная старцу Иосифу, когда Её годы не позволяли Ей больше оставаться при храме, Она поселилась в его доме в Назарете. Здесь удостоилась Дева прихода Архангела Гавриила, благовестившего Ей о рождении от Неё Всевышнего. «Радуйся, благодатная: Господь с Тобою. Благословенна Ты в женах... Дух Святый найдет на Тя и сила Вышнего осенит Тя; темже и раждаемое Свято наречется Сын Божий» (Лк. 1:28—35).
Смиренно и покорно приняла Мария ангельское благовестие. «Тогда же Слово, как Ему Самому известно, низошло и, как Само изволило, подвиглось, вошло в Марию и вселилось в Ней» (Преп. Ефрем Сирин. Похвальная песнь Божией Матери). «Как молния озаряет сокровенное, так и Христос очищает сокровенное естества. Он очистил и Деву, и потом родился, чтобы показать, что, где Христос, там проявляется чистота во всей силе. Очистил Деву, предуготовив Духом Святым, и потом утроба, став чистою, зачинает Его. Очистил Деву при Её непорочности, почему и родившись оставил Девою. Не говорю, что Мария стала бессмертною, но что, осияваемая благодатию, Она не возмущалась греховными пожеланиями.» (Преп. Ефрем Сирин. Слово на еретиков, 41). «Вселился в Неё свет, омыл Её ум, чистыми соделал Её помыслы, уцеломудрил попечения Её, освятил девство Её» (Преп. Ефрем Сирин. Мария и Ева). «Чистую по человеческим понятиям сделал благодатно-чистой» (Епископ Игнатий Брянчанинов. Изложение учения Православной Церкви о Божией Матери).
Мария не сказала никому про явление Ангела, но Ангел сам объявил Иосифу о чудесном зачатии Мариею от Духа Святого (Мф. 1:18—25), а по рождении Христовом со множеством воинства небесного благовестил пастырям. Пастыри, придя поклониться Новорожденному, сказали, что слышали о Нём. Прежде молча претерпевшая подозрение, Мария теперь молча слушала и «слагала в сердце Своем» слова о величии Своего Сына (Лк. 2:8—19). Слышала Она через 40 дней хвалебную молитву Симеона и предсказание об оружии, которое пройдет чрез Её душу. После видела, как Иисус преуспевал в премудрости, слышала Его в 12 лет поучающим в храме и все «соблюдала... в сердце Своем» (Лк. 2:21—51).
Хотя и благодатная, Она ещё не вполне разумела, в чём будет состоять служение и величие Её Сына. Еврейские понятия о Мессии были Ей ещё близки, а естественные чувства заставляли Её заботиться о Нём, охраняя Его от чрезмерных, как могло казаться, трудов и опасностей. Поэтому невольно Она вначале становилась на пути Своего Сына, что и вызвало Его указание о превосходстве родства духовного над телесным (Мф. 12:46—49). «Имел Он попечение и о чести Матери, но гораздо более об Её душевном спасении и о благе людей, для чего и плотию облекся» (Иоанн Златоуст. Толкование на Евангелие от Иоанна, беседа 12). Мария уразумела это и, «слышавши речь Божию, сохранила её» (Лк. 11:27—28). Как ни один человек, Она возымела те же чувствования, что и Христос (Флп. 2:5), безропотно перенеся материнскую скорбь, когда видела Своего Сына гонимым и страдающим. Обрадованная в день Воскресения, Она в день Пятидесятницы облеклась силою свыше (Лк. 24:49). Сошедший на Неё Дух Святый «Её научил всему» (Ин. 14:26), и «наставил на всяку истину» (Ин. 16:13). Просвещённая, Она ещё ревностнее стала трудиться творить слышанное Ею от Её Сына и Искупителя, чтобы взойти к Нему и быть с Ним.
Конец земной жизни Пресвятой Богородицы быть началом Её величия. «Преукрашенная Божественною славою» (Ирмос канона Успения), Она стоит, будет стоять и в день Страшного Суда и в будущем веке, одесную Престола Сына Своего, царствует с Ним и имеет дерзновение к Нему, как Его Мать по плоти и как единонравная по духу, как волю Божию сотворившая и других научившая (Мф. 5:19). Любвеобильная и милосердная, Она любовь к Сыну и Богу Своему проявляет в любви к человеческому роду, предстательствует за него пред Милостивым и, обходя землю, помогает людям.
Испытавшая все тяжести земной жизни, Заступница рода христианского видит каждую слезу, слышит каждое стенание и мольбу, обращённую к Ней. Особенно Ей близки те, которые трудятся в борьбе со страстями и ревнуют о богоугодной жизни. Но и в житейских попечениях Она незаменимая помощница. «Всех скорбящих Радосте, и обидимых Заступнице, и алчущих Питательнице, странных Утешение, обуреваемых Пристанище, больных Посещение, немощных Покров и Заступнице, Жезл старости, Мати Бога Вышняго, Ты еси Пречистая» (Стихира Одигитрии). «Надежда, и предстательство, и прибежище христиан», в «молитвах неусыпающая Богородица» (Кондак Успения), «спасающая мир непрестанною Своею молитвою» (Богородичен 3-го гласа), «день и ночь молится о нас и скиптры Царствия Её молитвами утверждаются» (Повседневная полунощница).
Нет ума и слов выразить величие Той, Которая родилась в грешном человеческом роде, а стала Честнейшая Херувим и славнейшая Серафим. «Неизреченных Божиих и Божественных тайн зря в Деве благодать являемую и исполняемую явственно, радуюся и образ разумети недоумеюся, странный и неизреченный, како избранная Чистая едина явися паче всея твари видимыя и разумеваемыя. Темже восхвалити хотя Сию, ужасаюся зело, умом же и словом, обаче дерзая, проповедаю и величаю: Сия есть селение небесное» (Икос Введения во храм). «Недоумеет всяк язык благохвалити по достоянию, изумевает же ум и премирный пети Тя, Богородице, обаче, Благая сущи, веру приими, ибо любовь веси Божественную нашу: Ты бо христиан еси Предстательница, Тя величаем» (Ирмос 9-й песни Богоявления).
Иеромонах Иоанн (Максимович), инок Мильковской обители Введения во храм Пресвятой Богородицы. Югославия, 1928 г.
Всего комментариев: 0 | |
12 (25*) января - икона Божией Матери «МЛЕКОПИТАТЕАЬНИЦА» - молятся кормящие матери и при родах.
Тропарь, глас 3:
Без семени от Божественнаго Духа,/ волею же Отчею зачала еси Сына Божия,/ от Отца без матери век суща,/ нас же ради из Тебе без отца бывша,/ плотию родила еси/ и Младенца млеком питала еси,/ темже не престай молити/ избавитися от бед душам нашим.
Молитва
Приими, госпоже Богородительнице, слезная моления рабов твоих, к Тебе притекающих. Зрим Тя на святей иконе, на руках носящую и млеком питающую Сына Твоего и Бога нашего, Господа Иисуса Христа. Аще и безболезненно родила еси Его, обаче матерния скорби веси и немощи сынов и дщерей зриши. Темже тепле припадающе к цельбоносному образу Твоему и умиленно сей лобызающе молим Тя, Всемилостивая Владычице: нас грешных, осужденных в болезнях родити и в печалях питати чада наша, милостивно пощади и сострадательно заступи, младенцы же наша, такожде и родившая их, от тяжкаго недуга и горькия скорби избави. Даруй им здравие и благомощие, да и питаемии от силы в силу возрастати будут, и питающыя их исполнятся радостию и утешением, яко да и ныне предстательством Твоим из уст младенцев и ссущих Господь совершит хвалу Свою. О Мати Сына Божия! Умилосердися на матери сынов человеческих и на немощные люди Твоя: постигающыя нас болезни вскоре исцели, належащыя на нас скорби и печали утоли, и не презри слез и воздыханий рабов твоих. Услыши нас в день скорби пред иконою Твоею припадающих, и в день радости и избавления приими благодарная хваления сердец наших. Вознеси мольбы наша ко престолу Сына Твоего и Бога нашего, да милостив будет ко грехам и немощем нашим и пробавит милость Свою ведущым имя Его, да и мы, и чада наша прославим Тя, Милосердую заступницу и верную надежду рода нашего, во веки веков.
21 (3) января - икона Божией Матери «ВАТОПЕДСКАЯ», именуемая «ОТРАДА» или «УТЕШЕНИЕ» - молятся об исцелении от недугов.
Тропарь, глас 3:
Утоли болезни многовоздыхающия души моея, Утолившая всякую слезу от лица земли. Ты бо человеков болезни отгониши и грешных скорби разрушавши: Тебе бо стяжахом вси надежду и утверждение, Пресвятая Мати Дево.
Молитва
Надежда всем концем земли, Пречистая Дево Богородице, Утешение и Отрадо наше! Не гнушайся нас грешных, на Твою бо милость уповаем. Угаси пламень греховный и покаянием ороси изсохшие сердца наша. Очисти ум наш от греховных помышлений. Приими моления от души и сердца с воздыханием Тебе приносимыя. Буди Ходатаице о нас к Сыну Твоему и Богу и отврати гнев Его от нас Матерними молитвами. Укрепи в нас веру православную, вложи в нас дух страха Божия, дух смирения, терпения и любви. Душевныя и телесныя язвы исцели, утиши бурю злых нападений вражеских. Отыми бремя грехов наших и не остави нас до конца погибнути. Подаждь нам милость Твою и святое благословение Свое всем зде предстоящим и молящимся и всегда пребываяй с нами, подавая приходящим к Тебе отраду и утешение, помощь и заступление, да славим и величаем Тя вси до последняго нашего воздыхания. Аминь.
25 (7) января - икона Божией Матери «УТОЛИ МОЯ ПЕЧАЛИ» - молятся об избавлении от болезней и скорбей телесных; от греховных страстей, обуревающих сердце человека.
Тропарь, глас 3:
Утоли болезни/ многовоздыхающия души моея,/ утолившая всяку слезу от лица земли,/ Ты бо человеком болезни отгониши/ и грешных скорби разрушавши,/ Тебе бо вси стяжахом надежду и утверждение,/ Пресвятая Мати Дево.
Молитва
Надежда всем концем земным Ты еси, Пречистая Дево Госпоже Богородице, утешение мое! Не гнушайся мене, сквернаго, в дерзновенном молении недостойных уст моих, и молю: угаси ми пламень греховный и ороси покаянием, душевныя и телесныя язвы исцели, облегчи, Владычице, болезнь, утиши бурю злых нападений, Пречистая, отыми бремя грехов моих, Преблагая, и утоли печали моя, сокрушающая сердце. Ты бо еси возведение роду человеческому и в печалях скорая Утешительница. За толикия же Твоя милости до последняго моего издыхания славословити тя имам, о Всеблагословенная! Аминь.
5 (18) февраля - икона Божией Матери «ВЗЫСКАНИЕ ПОГИБШИХ» - молятся при головной и зубной боли, лихорадке, болезни глаз, о вразумлении отпавших от веры православной, погибающих детях, о благодатном браке и от пристрастия к винопитию.
Тропарь, глас 4:
Взыщи нас, погибающих Пресвятая Дево,/ не по грехом бо нашим наказуеши нас,/ но по человеколюбию милуеши:/ избави нас от ада, болезни и нужды/ и спаси нас.
Молитва
О, Пресвятая и Преблагословенная Дево, Владычице Богородице, Споручнице грешных и Взыскание погибших! Призри милостивым Твоим оком на нас, предстоящих пред святою иконою Твоею и со умилением молящихся Тебе: воздвигни нас из глубины греховныя, просвети ум наш омраченный страстьми, и уврачуй язвы душ и телес наших. Не имамы иныя помощи, не имамы иныя надежды, разве Тебе, Владычице: Ты веси вся немощи и согрешения наша, к Тебе прибегаем и вопием: не остави нас Твоею небесною помощию, но предстани нам присно, и Твоим неизреченным милосердием и щедротами спаси и помилуй нас погибающих. Даруй нам исправление греховныя жизни нашея и избави нас от скорбей, бед и болезней, от напрасныя смерти, ада и вечныя муки. Ты бо, Царице и Владычице, скорая помощница и заступница всем притекающим к Тебе, и крепкое прибежище грешников кающихся. Подаждь убо нам, преблагая и всенепорочная Дево, христианский конец живота нашего мирен и непостыден и сподоби нас Твоим ходатайством вселитися в обителех небесных, идеже непрестанный глас празднующих радостию славит Пресвятую Троицу, Отца и Сына и Святаго Духа, ныне и присно и во веки веков. Аминь.
12 (25) февраля - икона Божией Матери «ИВЕРСКАЯ» (празднуется во Вторник Светлой Седмицы) - молятся об избавлении от разных напастей и об утешении в бедах, от пожара, об умножения плодородия земли.
Тропарь, глас 1:
От святыя иконы Твоея,/ о Владычице Богородице,/ исцеления и цельбы подаются обильно/ с верою и любовию приходящим к ней:/ тако и мою немощь посети/ и душу мою помилуй, Благая,/ и тело исцели благодатию Твоею, Пречистая.
Молитва
О, Пресвятая Госпоже Владычице Богородице, приими недостойную молитву нашу, и сохрани нас от навета злых человек и от напрасныя смерти, и даруй нам прежде конца покаяние, на моление наше умилосердися, и радость в печали места даруй. И избави нас, Госпоже, от всякия беды и напасти, скорби и печали и от всякаго зла. И сподоби нас, грешных рабов твоих, одесную стати во втором пришествии Сына Твоего, Христа Бога нашего, и наследники нас быти сподоби царствия небеснаго и жизни вечныя, со всеми святыми в безконечныя веки веков. Аминь.
21 (6) февраля - икона Божией Матери «КОЗЕЛЬЩАНСКАЯ» - молятся при различных телесных повреждениях, травмах.
Тропарь, глас 4:
Веселися, земле Полтавская/ и все Отечество наше православное:/ се бо яко светозарное солнце,/ явися пречудная икона Твоя, Преблагославенная Богомати,/мир озаряющи множеством чудес Твоих,/ теми убо обретаем, яже на земли, вся благая и полезная,/ и сущих, яже на Небеси, сокровищ сподобляемся./ Сего ради вопием Ти:/ радуйся, Похвало наша приснопоклоняемая,/ спаси ны, молящиеся Тебе,/ единая Надеждо и Радование вечное поющих Тя.
Молитва
Богородице Дево Пренепорочная Мати Христа Бога нашего, Заступнице всего рода Христианскаго! Чудотворней иконе Твоей благоговейне предстояще, молим Тя, услыши нас молящихся Тебе: приими благодарения наша недостойная о всех неизреченных Твоих к нам блогодеяниих, в месте сем и во многих весях и градех земли Российския явленных и являемых: Ты бо еси больных исцеление, скорбящих утешение, заблудших исправление и вразумление. Буди всем нам покров и утешение, пристанище от всяких зол, бед и обстояний, от глада, труса, потопа, огня, меча, нашествия иноплеменников, смертоносныя язвы и от злых человек озлобления. О Премилосердная Мати, буди присно молитвенница любвеобильная о благосостоянии святаго храма сего, о мире и тишине жительства общины сея, укрепи и поддержи священнодействующыя и служащыя во святем храме сем: осени вседержавным покровом Твоим строители и благотворители святыя обители сея, воздаждь им вечными дары щедрот Твоих: заступи от всякия напасти и сохрани с верою и благоговением притекающия к чудотворней иконе Твоей и молящиеся Тебе с любовию зде и на всяком месте. Вознеси молитвы наша, яко кадило благовонное, ко Престолу Всевышняго, дарующаго нам здравие, долгоденствие и в трудех благочестивых поспешение, да Твоим окормлением управляеми, и покровом Твоим осеняеми, прославим Отца, Сына и Святаго Духа и Твое Матернее о нас заступление, всегда, ныне и присно и во веки веков. Аминь.
2 (15) марта - икона Божией Матери «ДЕРЖАВНАЯ» - молятся о правде, сердечной радости, нелицемерной любви друг к другу, о мире в стране и сохранении России.
Тропарь, глас 4:
Ангелов лица благоговейно Тебе служат,/ и вся Небесныя силы немолчными гласы Тя ублажают, Богородице Дево,/ усердно молим Тя, Владычице,/ да пребудет Божественная благодать/ на честней иконе Твоей Державней,/ и светозарный луч славы чудес Твоих да нисходит от нея/ на всех, с верою Тебе молящихся/ и вопиющих Богу: аллилуиа.
Молитва
О мира Заступнице, Матерь Всепетая, со страхом, верою и любовию припадающе пред честною иконою Твоею Державною, усердно молим Тя: не отврати лица Твоего от прибегающих к Тебе, умоли, Милосердная Матерь Света, Сына Твоего и Бога нашего, Сладчайшего Господа Иисуса Христа, да сохранит в мире страну нашу, да утвердит державу нашу в благоденствии, да избавит нас от междоусобныя брани и укрепит Святую Церковь нашу Православную, да незыблему соблюдет ю от неверия, раскола и ересей. Не имамы бо иныя помощи, не имамы иныя надежды, разве Тебе, Пречистая Дево: Ты еси Всесильная христиан Заступница пред Богом, праведный гнев Его умягчающая. Избави всех, с верою Тебе молящихся, от падений греховных, от навета злых человек, от глада, скорбей и болезней. Даруй нам дух сокрушения, смирения сердца, чистоту помышлений, исправление греховныя жизни и оставление согрешений наших, да вси благодарив воспевающе величия Твоя, сподобимся Небеснаго Царствия и тамо со всеми святыми прославим Пречистое и великолепное Имя в Троице славимаго Бога: Отца, Сына и Святаго Духа. Аминь.
6 (19) марта - икона Божией Матери «БЛАГОДАТНОЕ НЕБО» - молятся о наставлении на путь, ведущий ко спасению и наследию Царствия Небеснаго.
Тропарь, глас 6:
Что Тя наречем, о Благодатная?/ Небо? - яко возсияла еси Солнце Правды;/ рай? - яко прозябла еси Цвет нетления;/ Деву? - яко пребыла еси нетленна;/ Чистую Матерь? - яко имела еси на святых Твоих объятиях Сына, всех Бога./ Того моли спастися душам нашим.
Молитва
Что Тя наречем, о Благодатная Богомати Богоотроковице, Пренепорочная Марие? Киими песнопении возвеличим Тя, возвеличенную Небом и землею, Ангелами и человеки? Явися бо на Тебе неслышанное от века на земли и несведомое Ангелами на Небеси таинство, паче ума и слова, вочеловечения Бога Слова, рожденнаго съискони от Безначальнаго Отца без матери и воплощеннаго в Твоей утробе и с нетленною печатию девства Твоего родившагося. О, чудо всех древних и новых чудес! Непреложное слово Самаго Бога о победоносном семени жены и исполнися и совершися в Безмужней Деве. О, неизмеримая глубина премудрости и величия Божия! Киими имены наречем Тя, о Невеста Неневестная? Зарею ли наречем Тя восходящаго на небе солнца? Но Ты само Небо, из Тебе бо возсия Солнце Правды Христос Бог наш, Спаситель грешных. Именуем ли Тя вратами, вводящими в потерянный прародителями рай, обиловавший всеми благами? Но Ты Сама еси благодатный рай, произрастившая Цвет нетления, врачующий смердение греха и зловоние прародительскаго тления. Наречем познавшей брака? Но Ты и до старости пребыла Неискусобрачною и девственною до рождения, и в рождении, и по рождении Сына пребыла еси. Наименуем ли Тя Чистою и Святою Мариею, превозшедшею Своею чистотою всех матерей и проматерей? Но Ты не токмо родила Того Младенца Христа, но и носила Его при Своих персех и питала Твоим матеродевственным млеком, Того, Иже питает всякое создание. Емуже со страхом и трепетом предстоят Небесныя силы и Его же хвалит всякое дыхание и тварь. О, воистинну Ты дивная еси в женах, чудная в девах, неподражаемая в матерех! К Тебе пред Твоими святыми стопами повергаем и слагаем все наши мысли, желания, намерения и чувства. Освяти их Твоим Богоматерним призрением и вознеси их, яко жертву нашего смиреннаго сердца, яко малоценную лепту нашей духовной нищеты, к Престолу Сына Твоего, Спасителя нашего, да имиже весть судьбами управит наш путь ко спасению и наследию Царствия Его, не имущаго конца во веки веков. Аминь.
7 (20) марта (29 (11) мая) - икона Божией Матери «СПОРУЧНИЦА ГРЕШНЫХ» молятся во время греховного омрачения, во всяком унынии, отчаянии и скорби душевной.
Тропарь, глас 4:
Умолкает ныне всякое уныние/и страх отчаянияисчезает,/грешницы в скорби сердца обретаю утешение/и Небесною любовию озаряются светло:/ днесь бо Матерь Божия простирает нам спасающую руку/ и от Пречистаго образа Своего вещает глаголя:/Аз Споручница грешныхкМоемуСынууСейдал Мне за нихруце слышат Мя выну./Темже, людие, обремененнии грехи многими, припадите к подножию иконы Ея, со слезами вопиющие: Заступнице мира, грешным Споручнице, умоли Матерними Твоими молитвами Избавителя всех,/ да Божественным всепрощением покрывает грехи наша/и светлыядвери райския отверзетнам,/ Ты бо еси предстательстю истсениерощхристианскаго.
Молитва 1
О, Владычица Преблагословенная, Защитнице рода христианскаго, прибежище и спасение притекающих к Тебе! Вем, воистину вем, яко зело согреших и прогневах, Премилостивая Госпоже, рожденнаго плотию от Тебе Сына Божия, но имам многие образы прежде мене прогневавших Его благоутробие: мытари, блудницы и прочия грешники, имже дадеся прощение грехов их, покаяния ради и исповедания. Тыя убо образы помилованных очесем грешныя души моея представляя и на толикое Божие милосердие, онех преемшее, взирая, дерзну и аз, грешный, прибегну™ с покаянием ко Твоему благоутробию. О, Всемилостивая Владычице, да подаси ми руку помощи и испросиши у Сына Твоего и Бога матерними и святейшими Твоими молитвами тяжким моим грехом прощение. Верую и исповедую, яко Той, Егоже родила еси, Сын Твой, есть воистинну Христос, Сын Бога Живаго, Судия живых и мертвых, воздаяй комуждо по делом его. Верую же паки и исповедую Тебе быти истинную Богородицу, милосердия источник, утешение плачущих, взыскание погибших, сильную и неперестающую к Богу Ходатаицу, зело любящую род христианский, и Споручницу покаяния. Воистину бо несть человеком иныя помощи и покрова, разве Тебе, Госпоже Премилостивая, и никтоже, уповая на Тя, постыдеся когда и, Тобою умоляя Бога, никтоже оставлен бысть. Того ради молю Твою неисчетную благость: отверзи двери милосердия Твоего мне, заблудшему и падшему в темение глубины, не возгнушайся мене, сквернаго, не презри грешнаго моления моего, не остави мене, окаяннаго, яко в погибель злобный враг похитити мя ищет, но умоли о мне рожденнаго от Тебе милосердаго Сына Твоего и Бога, да простит великия моя грехи и избавит мя от пагубы моея; яко да и аз со всеми, получившими прощение, воспою и прославлю безмерное милосердие Божие и Твое непостыдное о мне заступление в жизни сей и в нескончаемом веце. Аминь.
Молитва 2
К кому возопию, Владычице, к кому прибегну в горести моей, аще не к Тебе, Царице Небесная? Кто плач мой и воздыхание мое приимет и молениям нашим скоропослушливо внемлет, аще не Ты, Всеблагая Споручнице, всех наших радостей Радость? Услыши же и нынешния песнопения и моления, и о мне грешнем Тебе приносимыя. И буди мне Мати и Покровительница и радости Твоея всем нам Подательница. Устрой жизнь мою, якоже хощеши и якоже веси. Вручаю бо себе Твоему покрову и промышлению, да радостно всегда пою Тебе со всеми: Радуйся, Благодатная; радуйся, Обрадованная. Радуйся, Преблагословенная; радуйся, Препрославленная во веки. Аминь.
9 (22) марта - Албазинская икона Божией Матери «СЛОВО ПЛОТЬ БЫСТЬ» - молятся ожидающие ребенка и при трудных родах.
Молитва
Богородице Дево, Пренепорочная Мати Христа Бога нашего, Заступнице рода христианскаго! Пред чудотворною иконою Твоею предстояше, отцы наши молиша Тя, да явиши покров Твой и заступление стране приамурстей. Темже и мы ныне молим Тя: град наш и страну сию от нахождения иноплеменных соблюди и от междоусобныя брани сохрани. Даруй мирови мир, земли плодов изобилие; сохрани во святыни пастырей наших, во святых храмех труждающихся: осени вседержавным покровом твоим строителей и благотворителей их. Утверди в правоверии и единомыслии братии наших: заблуждших же и отступльших от православныя веры вразуми и соедини Святей Церкви Сына Твоего. Буди всем притекающым к чудотворней иконе Твоей покров, утешение и пристанище от всяких зол, бед и обстояний, Ты бо еси больных исцеление, скорбящих утешение, заблудших исправление и вразумление. Приими моления наша и вознеси я ко Престолу Всевышняго, яко да Твоим предстательством соблюдаеми и покровом Твоим осеняеми, прославим Отца и Сына и Святаго Духа, ныне и присно и во веки веков. Аминь.
Тропарь, глас 4:
Пришествием честныя Твоя иконы, Богоотроковице,/ обрадованный днесь Богохранимый град Кострома,/ якоже древний Израиль к кивоту Завета,/ притекает ко изображению лица Твоего/ и воплотившагося от Тебе Бога нашего,/ да Твоим Матерним к Нему предстательством/ присно ходатайствуеши всем,/ под сень крова Твоего прибегающим,/ мир и велию милость.
Молитва
О, Премилосердая Госпоже, Царице, Богородице, приими смиренное моление наше, и не отрини нас, заступление и прибежище наше, и не возгнушайся нас, недостойных, но, яко Милосердая, не престани молящи, Егоже родила еси, да дарует нам прощение многих согрешений наших, да спасет нас, имиже весть судьбами. Помилуй нас, Владычице, помилуй нас, несмь бо нам спасения от дел. Темже верно вопием Ти: помилуй рабы Твоя и неплодное сердце наше покажи плодоносно благих дел. Призри на нас, недостойных, Ты бо упование и покров наш, жизнь и свет сердцу нашему. Яко Невечерний Свет от чрева Твоего воздвигшая, озари душу нашу, Чистая, и отжени всяку мглу сердца нашего. Даруй нам умиление, покаяние и сокрушение сердечное. Сподоби нас по вся дни живота нашего творити волю Сына Твоего и Бога нашего и во всем благоугождати Ему Единому. О, Богомати, не престани молящи Рождшагося от Тебе за вся, притекающия с верою к сему чудотворному образу Твоему, и подавай им скорую помощь и утешение в скорбех и напастех и злостраданиих, избави их от клеветы и злобы человеческия, от враг видимых и невидимых и всякия нужды и печали. Спаси отечество наше, град сей и вся грады и страны от всяких бед и нужд и сотвори милостива нам быти Бога нашего, отврати всякий гнев Его, на ны движимый, и избави ны от належащаго и праведнаго Его прещения. О, боголюбивая Владычице, Ангелов украшение, мучеников славо и всех святых радосте, с ними моли Господа, да сподобит нас в покаянии скончати живота нашего течение. В смерти же час, Пресвятая Дево, избави нас от власти бесовския и осуждения, и ответа, и страшнаго испытания, и мытарств горьких, и огня вечнаго, да, сподобльшеся славнаго Царствия Божия, величаем Тя и славим воплощшагося от Тебе Христа, Бога нашего, Емуже слава со Отцем и Святым Духом, ныне, и присно, и во веки веков. Аминь.
16 (29) марта - икона Божией Матери «ИЛЬИНСКО-ЧЕРНИГОВСКАЯ» молятся об исцелении от паралича, оспы, болезни ног, нападения темных сил, от внезапной смерти.
Тропарь, глас 5:
Пречистая Владычице Богородице,/ упование всех христиан,/ понеже инаго упования не имамы разве Тебе,/ Всенепорочная Владычице моя, Госпоже Богородице,/ Матери Христа Бога моего./ Темже помилуй и избави мя от всех зол моих/ и умоли Милостиваго Сына Своего и Бога моего,/ да помилует окаянную душу мою,/ и да избавит мя от вечныя муки, и сподобит мя Царствия Своего.
Молитва
О, Пресвятая Госпоже, Владычице моя Богородице, небесная Царице, спаси и помилуй мя, грешнаго раба Твоего, от напрасныя клеветы, от всякия беды и напасти и внезапныя смерти. Помилуй мя в дневных часех, и утренних, и вечерних, и во всякое время сохрани мя: стояща, седяща соблюди, и на всяком пути ходяща, и в нощных часех спяща снабди, покрый и заступи. Защити мя, Владычице Богородице, от всех враг моих, видимых и невидимых, и от всякаго злаго обстояния. На всяком месте и на всякое время буди ми, Мати Преблагая, необоримая стена и крепкое заступление. О, Пресвятая Госпоже Владычице Дево Богородице, приими недостойную молитву мою и сохрани мя от напрасныя смерти, и даруй ми прежде конца покаяние. Пресвятая Богородице, спаси нас. Ты мне хранительница жизни всей явися, Пречистая! Ты мене избави от бесов в час смерти! Ты и по смерти упокой! Под Твою милость прибегаем, Богородице Дево, молений наших не презри в скорбех, но от бед избави нас, едина чистая и благословенная. Пресвятая Богородице, спаси нас. Аминь.
3 (16) апреля – икона Божией Матери «НЕУВЯДАЕМЫЙ ЦВЕТ» - молятся о сохранении чистой и праведной жизни. Также она помогает в правильном выборе супруга или супруги. Чистая и пламенная молитва к этой иконе помогает в разрешении тяжелых семейных проблем. Совершается много исцелений больных.
Тропарь:
Радуйся, Богоневесто, жезле тайный, Цвет Неувядаемый процветший, радуйся Владычице, Еюже радости наполняемся и жизнь наследствуем.
Молитва
О, Пресвятая и Пренепорочная Мати Дево, надеждо христиан и прибежище грешным! Защити всех в несчастиях к Тебе прибегающих услыши стенания наша, приклони ухо Твое к молению нашему. Владычице и Мати Бога нашего, не презри требующия Твоея помощи и не отрини нас грешных, вразуми и научи нас: не отступи от нас, рабов твоих, за роптание наше. Буди нам Мать и Покровительнице, вручаем себе милостивому покрову Твоему. Приведи нас грешных к тихой и безмятежней жизни; да оплачем грехи наши. О, Мати Марие, наша преблагая и скорая Заступнице, покрый нас Своим ходатайством. Защити от врагов видимых и невидимых, умягчи сердца злых людей, возстающих на нас. О, Мати Господа Творца нашего! Ты корень девства и неувядающий цвет чистоты и целомудрия, пошли помощь нам немощным и обуреваемым плотскими страстьми и блуждающими сердцами. Просвети наши душевныя очи, да видим пути правды Божия. Благодатию Сына Твоего укрепи нашу слабую волю во исполнение заповедей, да избавимся от всякия беды и напасти и оправданы будем Твоим пречудным заступлением на страшном суде Сына Твоего. Емуже мы воздаем славу, честь и поклонение ныне и присно, и во веки веков. Аминь.
12 (25) апреля - икона Божией Матери «МУРОМСКАЯ» - молятся о даровании духа разума, благочестия, милосердия, кротости, чистоты и правды, о сохранении града и страны христианской.
Тропарь, глас 4:
Днесь светло красуется град Муром,/ яко зарею солнечною, восприемши, Владычице,/ чудотворную Твою икону,/ к нейже ныне мы притекающе и молящеся, Тебе взываем сице:/ о Пречудная Владычице Богородице,/ молися из Тебе воплощенному Христу Богу нашему,/ да избавит град сей и вся грады и страны христианския/ невредимы от всех навет вражиих/ и спасет души наша, яко Милосерд.
Молитва
О, Пресвятая Дево Мати Господа Вышних Сил, Небесе и земли Царице, града и страны нашея Всемощная Заступнице! Услыши нас, молящихся Тебе, и спроси у Бога, Сына Твоего, пастырем нашим - ревность и бдение о душах, градоправителем - мудрость и силу, судиям - правду и нелицеприятие, наставником - разум и смиренномудрие, супругом - любовь и согласие, чадом - послушание, обидимым - терпение, обидящим - страх Божий, скорбящим - благодушие, радующимся - воздержание. Нам же всем ниспосли дух разума и благочестия, дух милосердия и кротости, дух чистоты и правды. Ей, Госпоже Пречистая! Умилосердися на немощныя люди Твоя: разсеянныя собери, заблудшия на путь правый настави, недугующия уврачуй, старость поддержи, юныя уцеломудри, младенцы воспитай и призри на всех нас призрением милостиваго Твоего заступления. Милостива нам буди зде и на Страшном Суде Сына Твоего. Ты бо еси, Госпоже, слава Небесных и упование земных, Ты по Бозе наша надежда и Заступница всех, притекающих к Тебе с верою. Тебе убо молимся и Тебе, яко Всемогущей Помощнице, сами себе и друг друга и всю жизнь нашу предаем, ныне, и присно, и во веки веков. Аминь.
Пятница Светлой седмицы - икона Божией Матери «ЖИВОНОСНЫЙ ИСТОЧНИК» - молятся страждущие телесными недугами, страстями и душевными немощами, обращающиеся к Ней с верою получают исцеления.
Тропарь, глас 4:
Почерпнем, человецы, цельбы душам и телом молитвою,/ Река бо всем предтечет - Пречистая Царица Богородица,/ источающи нам чудную воду/ и измывающи сердец черности,/ греховные струпы очищающи,/ души же освящающи верных/ Божественною благодатию.
Молитва
Царице моя преблагая, надеждо моя Богородице, прибежище сирых и странных Предстательнице, скорбящих радосте, обидимых Покровительнице! Зриши мою беду, зриши мою скорбь: помози ми яко немощну, окорми мя яко странна. Обиду мою веси, разреши ту, якоже волиши: яко не имам иныя помощи разве Тебе, ни иныя Предстательницы, ни Благия Утешительницы, токмо Тебе, о Богомати, яко да сохраниши мя и покрыеши во веки веков. Аминь.
5 (18) мая - икона Божией Матери «НЕУПИВАЕМАЯ ЧАША» - молятся об исцелении одержимых недугом страсти пьянства.
Тропарь, глас 4:
Днесь притецем вернии/ к Божественному и пречудному образу Пресвятыя Богоматери,/ напояющей верных сердца/ небесною Неупиваемою Чашею Своего милосердия/ и людем верным чудеса показующей./ Яже мы видяще и слышаще/ духовно празднуем и тепле вопием:/ Владычице премилостивая,/ исцели наша недуги и страсти/ молящи Сына Твоего Христа Бога нашего/ спасти души наша.
Молитва
О, Премилосердная Владычице! К Твоему заступлению ныне прибегаем, молений наших не презри, но милостивно услыши нас: жен детей, матерей и тяжким недугом пиянства одержимых и от Матери Церкви Христовой и спасения отпадающих братиев, сестер и сродник наших исцели.
О, Милостивая Мати Божия, коснися сердец их и скоро возстави от падений греховных и ко спасительному воздержанию приведи их. Умоли Сына Своего Христа Бога нашего, да простит нам согрешения наша и не отвратит милости Своея от людей Своих, но да укрепит нас в трезвости и целомудрии.
Приими, Пресвятая Богородице, молитвы матерей, о чадех своих слезы проливающих, жен, о мужех своих рыдающих, чад сирых и убогих, заблудшими оставленных, и всех нас, к иконе Твоей припадающих. И да приидет сей вопль наш молитвами Твоими ко Престолу Всевышняго.
Покрый и соблюди нас от лукаваго ловления и всех вражиих, в страшный же час исхода нашего помози пройти нам непредкновенно воздушная мытарства, да молитвами Твоими избавимся вечнаго осуждения, и да сподобимся Царствия Небеснаго во веки веков. Аминь.
11 (23) июня - икона Божией Матери «МИЛУЮЩАЯ» или «ДОСТОЙНО ЕСТЬ» - молятся при душевных и телесных болезнях, при окончании всякого дела.
Тропарь, глас 4:
Притецем, вернии, со дерзновением/ к милующей Царице Богородице/ и умильно воззовем к ней:/ низпосли на ны милости Твоя богатыя:/ Церковь нашу сохрани,/ люди во благоденствии соблюди,/ землю нашу избави от всякаго обстояния,/ мир даруй мирови/ и спасение душам нашим.
Молитва 1
Достойно славимая и праведно от всех горних чинов ублажаемая, яко без сравнения их превосходящая, Бога и Творца всяческих рождшая, паче всех возвеличенная, Пречудная Владычице! Молися из Тебе воплощенному Христу Богу нашему, да призрит на ны люди безответныя, да сохранит нас невредимых от всех навет вражиих и злых клевет, много бо может Твоя Матерняя молитва, по реченному: проси, Мати моя, не отвращуся, но вся прошения Твоя исполню. Сего ради, радостью о сем исполняемии, взываем Ти: спаси, Владычице, погибающыя рабы твоя, просвети омраченныя суемудрствованьми века сего и приведи ны ко сладчайшему Иисусу, да вечно радующеся взываем: Слава Отцу, слава Сыну, слава Святому Духу, слава и Тебе Преславней и Пренепорочней Деве Богоматери, ублажаемей и благословляемей в безконечныя веки веков. Аминь.
Молитва 2
О Пресвятая и Премилостивая Владычице Богородице! Припадая к святей иконе Твоей, смиренно молимся Тебе, вонми гласу моления нашего, виждь скорби, виждь беды наша и, яко любвеобильная Мати, потщися на помощь нам безпомощным, умоли Сына Твоего и Бога нашего: да не погубит нас за беззакония наша, но явит нам человеколюбно свою милость. Испроси нам, Владычице, у благости Его телесное здравие и душевное спасение, и мирное житие, земли плодоносие, воздуха благорастворение, и благословение свыше на вся благая дела и начинания наша... И якоже древле призрела еси милостиво на смиренное славословие послушника Афонскаго, воспевавшего Тя пред пречистою иконою Твоею и послала еси к нему Ангела научити его пети песнь небесную, еюже славословят Тя Ангели; тако и ныне приими наше усердное молитвословие, Тебе приносимое. О Царице Всепетая! Простри ко Госпо ду богоносныя Твоя руце, имиже Богомладенца Иисуса Христа носила еси, и умоли Его избавити нас от всякаго зла. Яви, Владычице, Твою милость к нам: болящия исцели, скорбящия утеши, бедствующим помози и сподоби нас благочестно житие сие земное совершити, христианскую непостыдную кончину получити и Небесное Царствие наследити матерним ходатайством Твоим к Рождшемуся от Тебе Христу Богу нашему, Емуже со Безначальным Его Отцем и Пресвятым Духом подобает всякая слава, честь и поклонение ныне и присно, и во веки веков. Аминь.
18 (1) июня - икона Божией Матери «БОГОЛЮБСКАЯ» - молятся при эпидемиях моровой язвы, чумы, холеры.
Тропарь, глас 1:
Боголюбивая Царице,/ Неискусомужная Дево, Богородице Марие,/ моли за ны Тебе Возлюбившаго/ и рождшагося от Тебе Сына Твоего, Христа Бога нашего,/ подати нам оставление прегрешений, мирови мир, земли плодов изобилие,/ пастырем святыню/ и всему человечу роду спасение./ Грады наша и страны Российския от нахождения иноплеменных заступи/ и от междоусобныя брани сохрани./ О Мати Боголюбивая Дево! О, Царице Всепетая!/ Ризою Своею покрый нас от всякаго зла,/ от видимых и невидимых враг защити/ и спаси души наша.
Молитва
О, Пречистая Госпоже Богородице, Мати Боголюбивая, надеждо нашего спасения! Воззри милостивно на предстоящия с верою и любовию и поклоняющияся пречистому образу Твоему, приими наше хвалебное пение сие и пролей теплую Твою молитву о нас, грешных, ко Господу, да, презрев вся наша согрешения, спасет и помилует нас. О, Предивная Владычице! Покажи на нас чудныя милости Твоя: избави нас от всякия скорби, настави на путь всякия добродетели и благостыни, спаси от искушений, бед и болезней, изми от нас оклеветания и ссоры, сохрани от молниеноснаго грома, от запаления огненнаго, от глада, труса, потопа и смертоносныя язвы, подай нам Свою милостивую помощь на пути, в мори и на суше, да не погибнем люте. О, Всемилостивая Боголюбивая Мати, с твердым упованием возсылаем к Тебе нашу убогую молитву! Не отрини наших слез и воздыханий, не забуди нас во вся дни живота нашего, но всегда пребывай с нами и подаждь нам отраду, утешение, защиту и помощь, да выну славим и величаем преблагословенное и всепетое имя Твое. Аминь.
23 (6) июня - икона Божией Матери «ВЛАДИМИРСКАЯ» - молятся об избавлении от нашествия иноплеменных, об укреплении православной веры, о сохранении от ересей и расколов, об умирении враждующих, о сохранении России.
Тропарь, глас 4:
Днесь светло красуется славнейший град Москва,/ яко зорю солнечную, восприемши, Владычице, чудотворную Твою икону,/ к нейже ныне мы, притекающе и молящеся Тебе, взываем сице:/ о, пречудная Владычице Богородице!/ Молися из Тебе воплощенному Христу Богу нашему,/ да избавит град сей и вся грады и страны христианския невредимы от всех навет вражиих/ и спасет души наша, яко Милосерд.
Молитва
К кому возопием, Владычице; К кому прибегнем в горести нашей, аще не к Тебе, Царице Небесная; Кто плачь наш и воздыхание приимет, аще не Ты, пренепорочная, надеждо христиан и прибежище нам грешным; Кто паче Тебе в милости; Приклони ухо Твое к нам, Владычице, Мати Бога нашего, и не презри требующих Твоея помощи: услыши стенания наше, подкрепи нас грешных, вразуми и научи, Царице Небесная, и не отступи от нас раб Твоих, Владычице, за роптание наше, но буди нам Мати и заступнице, и вручи нас милостивому покрову Сына Твоего: устрой о нас, како угодно будет Святей Твоей воли, и приведи нас грешных к тихой и безмятежной жизни, да плачемся о гресех наших, да возрадуемся же с Тобою всегда, ныне и присно и во веки веков. Аминь.
26 (9) июня
- икона Божией Матери «ТИХВИНСКАЯ» - молятся о прозрении слепых, исцелении бесноватых, при болезнях детей, расслаблении суставов, при параличе, падучей болезни, от нашествия
иноплеменных.
Тропарь, глас 4:
Днесь, яко солнце пресветлое,/ возсия нам на воздусе всечестная икона Твоя, Владычице,/ лучами милости мир просвещающи,/ юже великая Россия,/ яко некий дар Божественный свыше благоговейне восприемше,/ прославляет Тя, Богомати, всех Владычицу,/ и от Тебе рождшагося Христа Бога нашего величает радостно./ Емуже молися, о Госпоже Царице Богородице,/ да сохранит вся грады и страны христианския/ невредимы от всех навет вражиих/ и спасет верою поклоняющихся Его Божественному/ и Твоему пречистому образу,/ Дево Неискусобрачная.
Молитва
Благодарим Тя, о Преблагая и Пречистая, Преблагословенная Дево, Владычице, Мати Христа Бога нашего, о всех благодеяниих Твоих, яже показала еси роду человеческому, наипаче же нам, христоименитым людем Российскаго народа, о нихже ниже самый ангельский язык к похвалению доволен будет, якоже и ныне удивила еси неизреченную Свою милость на нас, недостойных рабех твоих, преестественным самопришествием пречистыя Твоея иконы, еюже всю просветила еси Российскую страну. Темже и мы, грешнии, со страхом и радостию поклоняющеся, вопием Ти: о, Пресвятая Дево, Царице и Богородице, спаси и помилуй Святейшаго Патриарха Московскаго и всея Руси, архиереи же и вся люди, и подаждь стране победы на вся враги, и сохрани вся грады, и страны христианския, и сей святый храм от всякаго навета вражия избави, и всем вся на пользу даруй, ныне пришедшим с верою и молящимся рабом Твоим, и поклоняющимся пресвятому образу Твоему, яко благословенна еси с рождшимся от Тебе Сыном и Богом ныне, и присно, и во веки веков. Аминь.
28 (11) июня (12 (25) июля) - икона Божией Матери «ТРОЕРУЧИЦА» - молятся при болезнях рук, ног, душевном неспокойствии, при пожаре.
Тропарь, глас 4:
Днесь всемирная радость возсия нам велия:/ даровася святей Горе Афонстей/ цельбоносна Твоя, Владычице Богородице, икона,/ со изображением тричисленно и нераздельно пречистых рук Твоих/ в прославление Святыя Троицы,/ созывавши бо верных и молящихся Тебе о сем познати,/ яко двема Сына и Господа держиши,/ третию же яви на прибежище и покров чтущим Тя,/ от всяких напастей и бед избавляти,/ да вси, притекающий к Тебе, верою приемлют неоскудно от всех зол свобождение,/от врагов защищение,/ сего ради и мы вкупе со Афоном вопием:/радуйся, Благодатная, Господь с Тобою.
Молитва
О, Пресвятая и Преблагословенная Дево Богородице Марие! Припадаем и поклоняемся Ти пред святою троеручною иконою Твоею, воспоминая преславное чудо Твое исцелением усеченныя десницы праведнаго Иоанна Дамаскина, от иконы сея явленное, егоже знамение доныне видимо есть на ней, во образе третия руки, к изображению Твоему приложенныя. Молимся Ти и просим Тя, Всеблагую и Всещедрую рода нашего Заступницу: услыши нас, молящих Ти ся, и якоже блаженнаго Иоанна, в скорби и болезни к Тебе возопившаго, услышала еси, тако и нас не презри, скорбящих и болезнующих ранами страстей многоразличных и к Тебе от души сокрушенныя и смиренныя усердно прибегающих. Ты зриши, Госпоже Всемилостивая, немощи наша, озлобление наше, нужду, потребу нашу в Твоей помощи и заступлении, яко отвсюду врагами окружени есмы, и несть помогающаго, ниже заступающего, аще не Ты умилосердишися о нас, Владычице. Ей, молим Ти ся, вонми гласу болезненному нашему и помози нам святоотеческую Православную веру до конца дней наших непорочно сохранити, во всех заповедех Господних неуклонно ходити, покаяние истинное о гресех наших всегда Богу приносити и сподобитися мирныя христианския кончины и добраго ответа на Страшном Суде Сына Твоего и Бога нашего, Егоже умоли за нас Матернею молитвою Твоею, да не осудит нас по беззакониям нашим, но да помилует нас по велицей и неизреченней милости Своей. О, Всеблагая! Услыши нас и не лиши нас помощи Твоея державная, да Тобою спасение получивше, воспоем и прославим Тя на земли живых и рождшагося от Тебе Искупителя нашего, Господа Иисуса Христа, Емуже подобает слава и держава, честь и поклонение, купно со Отцем и Святым Духом, всегда, ныне, и присно, и во веки веков. Аминь.
8 (21) июля (22 (4) октября) - икона Божией Матери «КАЗАНСКАЯ» - молятся о прозрении слепых очей, об избавлении от нашествия иноплеменных, является заступницей в тяжелые времена, ей благословляют вступающих в брак.
Тропарь, глас 4:
Заступнице усердная,/ Мати Господа Вышняго,/ за всех молиши Сына Твоего, Христа Бога нашего,/ и всем твориши спастися,/ в державный Твой покров прибегающим./ Всех нас заступи, о Госпоже, Царице и Владычице,/ иже в напастех, и скорбех, и в болезнех обремененных грехи многими,/ предстоящих и молящихся Тебе умиленною душею/ и сокрушенным сердцем/ пред пречистым Твоим образом со слезами/ и невозвратно надежду имущих на Тя,/ избавления всех зол,/ всем полезная даруй/ и вся спаси, Богородице Дево:/ Ты бо еси Божественный покров рабом твоим.
Молитва
О, Пречистая Владычице Богородице, Царице Небеси и земли, вышшая ангел и архангел и всея твари честнейшая, чистая Дево Марие, миру Благая помощнице, и всем людем утверждение, и во всяких нуждах избавление! Призри и ныне, Госпоже Всемилостивая, на рабы твоя, Тебе умиленною душею и сокрушенным сердцем молящыяся, со слезами к тебе припадающыя Пречистому и Цельбоносному образу Твоему, и помощи и заступления Твоего просящыя. О, Всемилостивая и Премилосердная Дево Богородице чтимая! Воззри Госпоже, на люди твоя: мы бо грешнии не имамы иныя помощи, разве Тебе и от Тебе рождшагося Христа Бога нашего. Ты еси заступница и предстательница наша, Ты еси обидимым защищение, скорбящим радование, сирым прибежище, вдовам хранительница, девам слава, плачущым веселие, больным посещение, немощным исцеление, грешным спасение. Сего ради, о Богомати, к Тебе прибегаем и на Твой Пречистый образ с превечным на руку Твоею держимым младенцем, Господем нашим Иисусом Христом взирающе, умиленное пение Тебе приносим и вопием: помилуй нас, Мати Божия, и прошение наше исполни, вся бо суть возможна ходатайству Твоему: яко Тебе слава подобает ныне и присно и во веки веков. Аминь.
23 (5) июля - икона Божией Матери «ПОЧАЕВСКАЯ» - молятся об охранении от ересей и расколов, от нашествия иноплеменных, об исцелении от слепоты как телесной, так и духовной, об освобождении из плена.
Тропарь, глас 5:
Пред святою Твоею иконою, Владычице,/ молящийся исцелений сподобляются,/ веры истинныя познание приемлют/ и агарянская нашествия отражают./ Темже и нам, к Тебе припадающим,/ грехов оставление испроси,/ помыслы благочестия сердца наша просвети/ и к Сыну Твоему молитву вознеси/ и спасении душ наших.
Молитва
К Тебе, о Богомати, молитвенно притекаем мы, грешнии, чудеса Твоя, во святей лавре Почаевстей явленная, поминающе и о своих сокрушающеся прегрешениих. Вемы, Владычице, вемы, яко не подобаше нам, грешным, чесого просити, токмо о еже Праведному Судии беззакония наша оставити нам. Вся бо нами в житии претерпенная, скорби же, и нужды, и болезни, яко плоды падений наших прозябоша нам, Богу сия на исправление наше попущающе. Темже вся сия истиною и судом Своим наведе Господь на грешныя рабы Своя, иже в печалех своих к заступлению Твоему, Пречистая, притекоша и во умилении сердец к Тебе взываем сице: грехов и беззаконий наших, Благая, не помяни, но паче всечестнеи руце Твои воздвигши, к Сыну Твоему и Богу предстани, да люте содеянная нами отпустит нам, да за премногая неисполненная обещания наша лица Своего от рабов Своих не отвратит, да благодати Своея, спасению нашему пособствующия, от душ наших не отымет. Ей, Владычице, буди спасению нашему Ходатаица и, малодушия нашего не возгнушавшися, призри на стенания наша, яже в бедах и скорбех наших пред чудотворным Твоим образом возносим. Просвети умиленными помыслы умы наша, веру нашу укрепи, надежду утверди, любве сладчайший дар сподоби нас прияти. Сими убо, Пречистая, дарованьми, а не болезньми и скорбьми живот наш ко спасению да возводится, но, от уныния и отчаяния души наша ограждающи, избави нас, маломощных, от находящих на ны бед, и нужд, и клеветы человеческия, и болезней нестерпимых. Даруй мир и благоустроение жительству христианскому предстательством Твоим, Владычице, утверди Православную веру в стране нашей и во всем мире. Церковь Апостольскую и Соборную умалению не предаждь, уставы святых отец на веки непоколебимы сохрани и всех к Тебе притекающих от рова погибельнаго спаси. Еще же и ересию прельщен ных братии наших или веру спасительную в греховных страстех погубивших паки ко истенней вере и покаянию приведи, да вкупе с нами, Твоему чудотворному образу покланяющеся, Твое предстательство исповедят. Сподоби убо нас, Пресвятая Госпоже Богородице, еще в животе сем победу истины Твоим явлением победители и просветители агарян показала еси, да вси мы благодарным сердцем вкупе с Ангелы, и пророки, и апостолы, и со всеми святыми, Твое милосердие прославляюще, воздадим славу, честь и поклонение в Троице певаемому Богу Отцу, и Сыну, и Святому Духу, во веки веков. Аминь.
Тропарь, глас 4:
К Богородице прилежно ныне прицетем, грешнии и смиреннии, и припадем, в покаянии зовуще из глубины души: Владычице, помози, на ны милосердовавши, потщися погибаем от множества прегрешений, не отврати Твоя рабы тщи, Тя бо и едину надежду имамы.
Молитва
О Пречудная и Превысшая всех тварей Царице Богородице, Небеснаго Царя Христа Бога нашего Мати, Пречистая Одигитрие Марие! Услыши нас грешных и недостойных в час сей молящихся и припадающих к Твоему Пречистому Образу со слезами и умиленно глаголющих: изведи нас от рова страстей, Владычице Преблагая, избави нас от всякия скорби и печали, огради от всякия напасти и злыя клеветы, и от неправеднаго и лютаго навета вражия. Можеши бо, о Благодатная Мати наша от всякаго зла сохранити люди Твоя и всяким благодеянием снабдити и спасти; разве Тебе иныя Предстательницы в бедах и обстояниях, и теплыя Ходатаицы о нас, грешных, не имамы. Умоли, Госпоже Пресвятая, Сына Твоего Христа Бога нашего, да удостоит нас Царствия Небеснаго; сего ради всегда славим Тя, яко Виновницу спасения нашего, и превозносим святое и великолепное имя Отца и Сына и Святаго Духа, в Троице славимого и поклоняемаго Бога, во веки веков. Аминь.
28 (10) июля (19 (1) июля) - икона Божией Матери «УМИЛЕНИЕ» или «РАДОСТИ ВСЕХ РАДОСТЕЙ» - почитаемая икона преподобным Серафимом Саровским, по вере просящих дает им исцеления.
Тропарь, глас 4:
К Богородице со умилением припадем,/ вси, грехми обремененнии,/ чудотворную Ея икону Умиления облобызающе/ и вопиюще со слезами:/ Владычице, приими моление недостойных раб Твоих/ и подаждь нам, просящим,/ велию Твою милость.
Молитва 1
О, Пресвятая Госпоже Владычице, Богородице Дево! Приими недостойныя молитвы наша, сохрани нас от наветов злых человек и от напрасныя смерти, подаждь нам прежде и радость в печали место даруй. И избави нас, о Госпоже Владычице Богородице, от всякаго зла, и сподоби нас, грешных рабов твоих, одесную стати во втором пришествии Сына Твоего, Христа Бога нашего, и наследники нас быти сподоби Царствия Небеснаго и жизни вечныя со всеми святыми в безконечныя веки. Аминь.
Молитва 2
Приими, всеблагомощная, Пречистая Госпоже, Владычице Богородительнице, сия честныя дары, Тебе единей прикладныя, от нас, недостойных рабов Твоих: от всех родов избранная, всех тварей небесных и земных высшая явльшаяся, понеже бо Тебе ради бысть Господь Сил с нами, и Тобою Сына Божия познахом и сподобихомся святаго Тела Его и пречистыя Крове Его; темже блаженна еси в родех родов, Богоблаженная, херувимов светлейши и серафимов честнейши сущая. И ныне, всепетая Пресвятая Богородице, не престай молящися о нас, недостойных рабех Твоих, еже избавитися нам от всякаго совета лукаваго и всякаго обстояния и сохранитися нам неврежденным от всякаго ядовитаго прилога диавольскаго; но даже до конца молитвами Твоими неосужденных нас соблюди, яко да Твоим заступлением и помощию спасаеми, славу, хвалу, благодарение и поклонение за вся в Троице единому Богу и всех Создателю возсылаем, ныне и присно, и во веки веков. Аминь.
8 (21) августа - икона Божией Матери «ТОЛГСКАЯ» - молятся об избавлении от засухи, бездождия.
Тропарь, глас 4:
Днесь светло сияет на Толге/ образ Твой, Пречистая Дево Богородице,/ и, яко солнце незаходимое, всегда верным подадеся./ Егоже видев на воздусе,/ невидимо Ангелы, яко никим, держима,/ преосвященный епископ града Ростова Трифон/ тече ко явленному светящемуся столпу огненну,/ и по водам, яко по суху, прейде,/ и молящеся Ти верно о пастве и о людех./ И мы, к Тебе притекающе, зовем:/ Пресвятая Дево Богородице,/ верно Тя славящих спасай,/ страну нашу, архиереев/ и вся Российския народы от всех бед избавляй/ по велицей Твоей милости.
Молитва
О, Пресвятая Госпоже, Дево Богородице, Вышшая Херувимов и Серафимов и святейшая всех святых! Ты, Всеблагая, на Толге икону Твою многоцелебную блаженному святителю Трифону огневидно явити благоволила еси, и ею многая и неизреченная чудеса соделала еси, и ныне содеваеши, по Твоему неизреченному к нам милосердию. Тебе пред пречистым образом Твоим припадаем и молимся, Преблагословенная рода нашего Заступнице: в странствии сем земнем, многоскорбнем и многомятежнем, не лиши нас Твоего заступления и покрова державнаго. Спаси и защити нас, Владычице, от разженных стрел лукаваго врага спасения нашего. Укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним нашим, даруй нам сокрушение сердечное и покаяние истинное, да, очистившеся от скверны греховныя, возможем принести Творцу благоугодныя Ему плоды добрых дел и сподобитися мирныя христианския кончины и ответа праваго на страшнем и нелицеприятием Суде Его. Ей, Госпоже Всемилостивая! В час грозный смертный наипаче яви нам Твое многомощное заступление, ускори тогда на помощь к нам, безпомощным, и державною рукою Твоею исхити нас из власти лютаго миродержца, ибо воистинну много может молитва Твоя пред лицем Господа, и ничтоже невозможно ходатайству Твоему, аще токмо восхощеши. Темже, на святый образ Твой умиленно взирающе и пред ним, яко живей Ти сущей с нами, покланяющеся, с упованием благим сами себе, и друг друга, и весь живот наш Тебе по Бозе молитвенно предаем и Тя велича ем с рождшимся от Тебе спасителем нашим, Господем Иисусом Христом, Емуже, со Безначальным Его Отцем и Пресвятым Духом, подобает всякая слава, честь и поклонение, ныне и присно и во веки веков. Аминь.
13 (26) августа - икона Божией Матери «СЕМИСТРЕЛЬНАЯ» - молятся об исцелении от холеры, хромоты и расслабления, об умирении враждующих.
Тропарь, глас 5:
Умягчи наша злая сердца, Богородице,/ и напасти ненавидящих нас угаси,/ и всякую тесноту души нашея разреши,/ на Твой бо святый образ взирающе,/ Твоим страданием и милосердием о нас умиляемся/ и раны Твоя лобызаем,/ стрел же наших, Тя терзающих, ужасаемся./ Не даждь нам, Мати Благосердая,/ в жестосердии нашем и от жестосердия ближних погибнути,/ Ты бо еси воистину злых сердец умягчение.
Молитва
О, Многострадальная Мати Божия, превышшая всех дщерей земли по чистоте Своей и по множеству страданий, Тобой на земли пренесенных! Прими многоболезненная воздыхания наша и сохрани нас под кровом Твоей милости, инаго бо прибежища и теплаго предстательства, разве Тебе, не вемы, но, яко дерзновение имущи к Иже от Тебе Рожденному, помози и спаси ны молитвами Своими, да непреткновенно достигнем Царствия Небеснаго, идеже со всеми святыми будем воспевати хвалу в Троице Единому Богу, всегда, ныне и присно и во веки веков. Аминь.
13 (26) августа - икона Божией Матери «СТРАСТНАЯ» - молятся об исцелении от холеры, слепые и расслабленные, от пожара.
Тропарь, глас 4:
Днесь возсия неизреченно царствующему граду нашему Москве/ икона Богоматере,/ и яко светозарным солнцем, пришествия тоя озарися весь мир,/ Небесныя силы и души праведных мысленно торжествуют, радующеся,/ мы же, на ню взирающе, к Богородице со слезами вопием:/ о Всемилостивая Госпоже, Владычице Богородице,/ молися из Тебе воплощенному Христу, Богу нашему,/ да подаст мир и здравие всем Христианом/ по велицей и неизреченней Своей милости.
Молитва
О Пресвятая Госпоже, Владычице Богородице, Вышши еси всех Ангел и Архангел и всея твари честнейши, Помощница еси обидимых, ненадеющихся надеяние, убогих Заступница, печальных утешение, алчущих Кормилица, нагих одеяние, больных исцеление, грешных спасение, христиан всех поможение и заступление. О Всемилостивая Госпоже, Дево Богородице, Владычице, милостию Твоею спаси и помилуй раб Твоих, Великаго Господина и отца нашего Святейшаго Патриарха, и преосвященныя митрополиты, архиепископы и епископы, и весь священнический и иноческий чин, Богохранимую страну нашу, военачальники, градоначальники и христолюбивое воинство и доброхоты, и вся православныя христианы ризою Твоею честною защити, и умоли, Госпоже, из Тебе без семене воплотившагося Христа Бога нашего, да препояшет нас силою Своею свыше на невидимыя и видимыя враги наша. О Всемилостивая Госпоже, Владычице Богородице, воздвигни нас из глубины греховныя и избави нас от глада, губительства, от труса и потопа, от меча, от нахождения иноплеменных и междоусобныя брани, и от напрасныя смерти, и от нападения вражия, и от тлетворных ветр, и от смертоносныя язвы, и от всякого зла. Подаждь, Госпоже, мир и здравие рабом Твоим, всем православным христианом, и просвети им ум и очи сердечныя, еже ко спасению, и сподоби ны, грешные рабы Твоя, Царствия Сына Твоего, Христа Бога нашего, яко держава Его благословена, со Безначальным Его Отцем, и с Пресвятым и Благим и Животворящим Его Духом, ныне и присно и во веки веков. Аминь.
Молитва
О Пресвятая Владычице, Дево Богородице, Заступнице наша благая и скорая! Воспеваем Ти вси благодарственная чудная дела Твоя. Песнословим от лет древних неотъемлемое заступление Твое граду Москве и стране нашей, чудотворным образом Твоим Донским всегда являемое: в бегство обращаются полки чуждих, грады и веси невредими сохраняются, людие же от лютыя смерти избавляются. Осушаются очи слезящия, умолкают стенания верных, плач в радость общую претворяется. Буди и нам, Пречистая Богородице, утешение в бедствиях, возрождение надежды, образ мужества, источник милости и в скорбных обстояниях неистощимое терпение нам даруй. Подаждь коемуждо по прошению и нужде его: младенцы воспитай, юныя уцеломудри и страху Божию научи, унывающия ободри и немощную старость поддержи. Посети в болезнех и печалех сущия, злыя сердца умягчи, братолюбие укрепи, мира и любви всех нас исполни. Примири, Благосердая Мати, враждующия и оправдай оклеветанныя. Истреби пороки, да не восходят грехи наша пред Судиею всяческих, да не постигнет нас праведный гнев Божий. Твоими молитвами, всемощным Твоим покровом огради нас от нашествий вражиих, от глада, губительства, огня, меча и всякаго инаго злострадания. Уповаем молитвами Твоими получити от Всевышняго Бога грехов прощение и изглаждение и с Богом примирение. Умоли стяжати нам Царствие Небесное и по скончании жизни нашея одесную Престола Божия стати, идеже Ты, о Всепетая Дево, Святей Троице в вечней славе предстоиши. Удостой и нас с лики Ангелов и святых тамо восхвалити Пречестное Имя Сына Твоего со Безначальным Его Отцем и Всесвятым и Благим и Животворящим Его Духом во веки веков. Аминь.
22 (6) августа - икона Божией Матери «ГРУЗИНСКАЯ» - молятся при эпидемии моровой язвы, чумы, об исцелении страдающих слепотой, глухотой.
Тропарь, глас 5:
Веселятся православнии народи,/ видяще, Владычице Дево Богородице,/ Твою пречудную и чудотворную икону,/ и приемлют врачевство душевное и телесное Твоею милостию всегда./ Темже и мы, поклоняющеся оней, усердно Тебе вопием:/ помилуй, Благая Мати, смиренныя рабы Твоя/ и избави нас от всякаго зла и навета вражия,/ молящи Сына Твоего, Господа Иисуса,/ да, спасшеся зде, Небесное жительство получим/ человеколюбием и благодатию Его.
Молитва
Приими, Всеблагомощная Пречистая Госпоже, Владычице Богородительнице, сия честныя дары от нас, недостойных рабов Твоих, к Твоему цельбоносному образу пение возсылающих со умилением, яко Тебе Самой сущей ту и послушающей моления наша, подающи с верою просящим по коемуждо прошению исполнение: скорбящим скорби облегчавши, немощным здравие даруеши, разслабленных и недужных исцелявши, и от бесных бесы прогониши, обидимыя от обид избавлявши, и насилуемых спасавши, грешных прощавши, прокаженных очищавши, и малых детей милуеши, и неплодныя от неплодства разрешавши. Еще, Госпоже Владычице, от уз и темниц свобождаеши, и всякия многоразличныя страсти исцелявши, и очныя болезни уврачуеши, и от смертоносныя язвы избавлявши: вся бо возможна суть ходатайством Твоим к Сыну Твоему, Христу Богу нашему. О Всепетая Мати, Пречистая Богородице! Не престай молити о нас, недостойных рабех Твоих, славящих Тя и почитающих, и поклоняющихся пречистому образу Твоему, и надежду имущих невозвратну и веру несумненну к Тебе, Приснодеве, Преславней и Непорочней, славящих и чтущих и поющих Тя во веки веков. Аминь.
1(14) сентября - икона Божией Матери «ЧЕРНИГОВСКО-ГЕФСИМАНСКАЯ» - молятся страдающие недугом беснования и при болезни глаз.
Тропарь, глас 5:
Пречистая Владычице Богородице, упование всех христиан,/ понеже инаго упования не имамы разве Тебе,/ Всенепорочная Владычице моя, Госпоже Богородице,/ Мати Христа Бога моего./ Темже помилуй и избави мя от всех зол моих/ и умоли Милостиваго Сына Своего и Бога моего,/да помилует окаянную душу мою,/да избавит мя от вечныя муки, и сподобит мя Царствия Своего.
Молитва
О, Пресвятая Дево! Мати Христа Бога нашего, Царице Небесе и земли! Вонми многоболезненному воздыханию душ наших, призри с высоты святыя Твоея на нас, с верою и любовию поклоняющихся Пречистому Образу Твоему: се бо, грехми погружаеми и скорбми обуреваеми, взирая на Твой образ, яко живущей Ти с нами, приносим смиренныя моления наша, не имамы бо иныя помощи, ни инаго предстательства и утешения, токмо Тебе, о Мати всех скорбящих и обремененных. Помози нам немощным, утоли скорбь нашу, настави на путь правый нас заблудших, уврачуй болезненные сердца наша и спаси безнадежных. Даруй нам прочее время живота нашего в мире и покаянии проводити, подаждь христианскую кончину, и на Страшном Суде Сына Твоего явися нам милосердная Предстательница, да всегда поем, величаем и славим Тя Благую Заступницу рода христианскаго, со всеми угодившими Богу. Аминь.
2 (15) сентября, (12 (25) октября) - икона Божией Матери «КАЛУЖСКАЯ» - молятся страдающие недугом расслабления, болезнью ушей - слуха.
Тропарь, глас 4:
Заступнице от враг иноплеменных Необоримая Калужских земли,/ и Избавительнице от смертоносный язвы Милостивая!/ Избави рабы Твоя от всяких бед и болезней,/ с верою и любовию прибегающия к чудотворней иконе Твоей,/ и спаси души наша.
Молитва
О, Пресвятая Дево, Мати Христа Бога нашего, Дивная Царице небесе и земли! Вонми многоболезненному воздыханию сердец наших; призри с высоты святыя Твоея на нас. с верою и любовию предстоящих пред чудотворною Твоею иконою и со умилением молящихся Тебе, Владычице! Не предаждь умалению Церковь Православную, помози нам, Пресвятая Богородице, святоотеческую православную веру до конца дней наших непорочно сохранити, во всех заповедех Господних неуклонно ходити и избави ны от пагубных душевредных учений.
На Твою, Дивная Царице небеси и земли, милость уповаем раби Твои: очисти умы наша от греховных помыслов, душевнаго разслабления, обуревания страстей, от искушений, соблазнов и грехопадений: Ты бо еси, Владычице, крепкое прибежище грешников кающихся. Воздвигни нас из глубины греховныя и истинным покаянием ороси изсохшие сердца наша, просвети сердечные очи наша к зрению спасения, и прельщенных бесовскою прелестию на путь правый настави; всякое дело злое и богопротивное разруши; всякому же благому и богоугодному делу научи и споспешествуй; вложи, Владычице, в сердца наша дух страха Божия, дух благочестия, дух кротости, смирения, терпения, незлобия; умягчи злые сердца наша и злые благи сотвори, ниспосли нам ревность о спасении ближних.
Вразуми и научи ны, о, Всемилостивая Заступнице наша, како безгрешно ходити по пути земнаго сего жития, яко Ты, Пресвятая, веси и веру нашу и упование наше видиши, Владычице мира! Скорбящих утеши, бедствующим помози; сохрани от молниеноснаго грома, тлетворных ветр, лютых болезней, смертоносныя язвы, междуусобныя брани, нашествия врагов иноплеменных.
Пресвятая Богородице! Избави ны от внезапныя и насильственныя смерти; всем нам даруй обращение на путь истинный и христианскую кончину живота нашего безболезненну, непостыдну, мирну, Святых Тайн причастну. Во время исхода нашего предстани нам, Дево Богородице, и избави ны от власти бесовския, воздушных горьких мытарств и огня вечнаго. Скончавшимся внезапною смертию милостива быти Сына Твоего умоли и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица. Преставльшихся же в вере и покаянии от временнаго жития сего отцы, братию и сестры наша сподоби Твоим ходатайством вселитися во обителех небесных со ангелы и со всеми святыми, идеже непрестанно гласы празднующих и радостно славящих Пресвятую Троицу Отца и Сына и Святаго Духа ныне и присно и во веки веков. Аминь.
4 (17) сентября - икона Божией Матери «НЕОПАЛИМАЯ КУПИНА» - избавляет дома почитающих и молящихся Ей от пожаров.
Тропарь, глас 4:
Иже во огни купины неопапимыя, древле Моисеем виденныя,/ тайну воплощения Своего от Неискусобрачныя Девы Марии Прообразовавый,/ Той и ныне яко чудес Творец и всея Твари Создатель/ икону Ея святую чудесы многими прослави,/ даровав ю верным во исцеление недугом и в защищение от огненнаго запаления./ Сего ради вопием Преблагословенней:/ Надеждо христиан, от лютых бед, огня и грома избави на Тя уповающия, и спаси души наша яко Милосерда.
Молитва
О Пресвятая и Преблагословенная Мати сладчайшего Господа нашего Иисуса Христа! Припадаем и поклоняемся Тебе пред Святою и Пречестною иконою Твоею, еюже дивная и преславная чудеса содеваеши, от огненнаго запаления и молниеноснаго грома жилища наша спасаеши, недужныя исцелявши, и всяко благое прошение наше во благо исполнявши. Смиренно молим Тя, Всесильная рода нашего Заступнице, сподоби ны немощныя и грешныя, Твоего матерняго участия и благопечения. Спаси и сохрани, Владычице, под кровом милости Твоея Церковь Святую, обитель сию, всю страну православную, и вся ны припадающия к Тебе, с верою и любовию, и умиленно просящия со слезами Твоего заступления. Ей, Госпоже Всемилостивая, умилосердися на нас, обуреваемых грехми многими и не имущих дерзновения ко Христу Господу просити Его о помиловании и прощении: но Тебе предлагаем к Нему на умоление, Матерь Его по плоти: Ты же, Всеблагая, простри к Нему Богоприимнеи руце Твои, и предстательствуй за нас пред благостию Его, просящи нам прощения прегрешений наших, благочестнаго мирнаго жития, благия христианския кончины и добраго ответа на Страшнем Суде Его. В час же грознаго посещения Божия, егда огнем возгорятся домы наши, или молниеносным громом устрашаеми будем, яви нам милостивное Твое заступление и державное вспоможение: да, спасаеми всесильными Твоими ко Господу молитвами, временнаго наказания Божия зде избегнем и вечное блаженство райское тамо унаследуем, и со всеми святыми воспоем пречестное и великолепое имя поклоняемыя Троицы, Отца и Сына и Святаго Духа, и Твое велие к нам милосердие, во веки веков. Аминь.
8 (21) сентября - икона Божией Матери «ЗНАМЕНИЕ» Курская - молятся об исцелении от слепоты, холеры.
Тропарь, глас 4:
Яко необоримую стену и источник чудес/стяжавше Тя раби Твои,/ Богородице пречистая,/ сопротивных ополчения низлагаем./ Темже молим Тя:/ мир граду Твоему даруй/ и душам нашим велию милость.
Молитва
О, Пресвятая Дево, Мати Христа Бога нашего, Царице Небеси и земли! Вонми многоболезненному воздыханию душ наших, призри с высоты святыя Твоея на нас, с верою и любовию покланяющихся Пречистому Образу Твоему: се бо, грехми погружаеми и скорбми обуреваеми, взирая на Твой образ, яко живущей Ти с нами, приносим смиренныя моления наша, не имамы бо иныя помощи, ни инаго предстательства и утешения, токмо Тебе, о Мати всех скорбящих и обремененных. Помози нам немощным, утоли скорбь нашу, настави на путь правый нас заблудших, уврачуй болезненные сердца наша и спаси безнадежных. Даруй нам прочее время живота нашего в мире и покаянии проводити, подаждь христианскую кончину, и на Страшном Суде Сына Твоего явися нам милосердная предстательница, да всегда поем, величаем и славим Тя Благую Заступницу рода христианскаго, со всеми угодившими Богу, во веки веков. Аминь.
18 (1) сентября - икона Божией Матери «ЦЕЛИТЕЛЬНИЦА» - молятся об исцелении от различных болезней.
Тропарь, глас 1:
Любовию, Чистая Дево, Твою святую икону почитающим, и Божию Тя истинную Матерь прославляющим, и верно поклоняющимтися Целительнице явися, всякое зло и болезни от сих удаляющая, яко Всемогущая.
Молитва 1
О, Пресвятая Госпоже Царице Богородице, Высшая всех небесных сил и Святейшая всех святых. Припадаем и поклоняемся Тебе пред всечестным и цельбоносным образом Твоим, воспоминающе дивное явление Твое болящему клирику Викентию и усердно молим Тя, Всесильную рода нашего Заступницу и Помощницу, якоже древле подала исцеление тому клирику, тако и ныне исцели наша души и телеса, болезнующия ранами грехов и страстей многоразличных избави нас от всяких напастей, бед, скорбей и вечнаго осуждения. Сохрани от душепагубных учений и безверия, от льстивых и наглых нападений невидимых врагов. Подаждь нам христианскую кончину безболезнену, мирну, непостыдну, Святых Тайн и причастну. Сподоби нас на нелицеприятном судище Христове стати одесную Всеправеднаго Судии и Блаженный глас Его услышати: Приидите благословеннии Отца Моего, наследуйте уготованное вам Царствие от сложения мира. Аминь.
Молитва 2
Приими, о Всеблагословенная и Всемощная Госпоже Владычице Богородице Дево, сия молитвы, со слезами Тебе ныне приносимыя от нас, недостойных раб Твоих, ко Твоему цельбоносному образу пение возсылающих со умилением, яко Тебе самой зде сущей и внемлющей молению нашему. По коемуждо бо прошению исполнение твориши, скорби облегчавши, немощным здравие даруеши, разслабленныя и недужныя исцеляеши, от бесных бесы прогонявши, обидимыя от обид избавлявши, прокаженныя очищавши и малые дети милуеши: еще же, Госпоже Владычице Богородице, и от уз и темниц свобождаеши и всякия многоразличныя страсти врачуеши: вся бо суть возможна ходатайством Твоим к Сыну Твоему, Христу Богу нашему. О, Всепетая Мати, Пресвятая Богородице! Не престай молитися о нас, недостойных рабех Твоих, славящих Тя и почитающих Тя, и поклоняющихся со умилением пречистому образу Твоему, и надежду имущих невозвратну и веру несумненну к Тебе, Приснодеве Преславней и Непорочней, ныне и присно, и во веки веков. Аминь.
Тропарь, глас 4:
Днесь, благовернии людие, светло празднуем, осеняеми Твоим, Богомати, пришествием, и к Твоему взирающе Пречистому образу, умильно глаголем: покрый нас честным Твоим Покровом, и избави нас от всякаго зла, молящи Сына Твоего Христа Бога нашего, спасти души наша.
Молитва
О Пресвятая Дево, Мати Господа Вышних сил, Небесе и земли Царице, града и страны нашея всемощная Заступнице! Приими хвалебноблагодарственное пение сие от нас, недостойных раб Твоих, и вознеси молитвы наша ко Престолу Бога Сына Твоего, да милостив будет неправдам нашим и пробавит благодать Свою чтущим Всечестное Имя Твое и с верою и любовию поклоняющимся чудотворному образу Твоему. Несмы бо достойни от Него помиловани быти, аще не Ты умилостивиши Его о нас, Владычице, яко вся Тебе от Него возможна суть. Сего ради к Тебе прибегаем, яко к несомненней и скорей Заступнице нашей: услыши нас, молящихся Тебе, осени нас вседержавным Покровом Твоим и испроси у Бога Сына Твоего пастырем нашим ревность и бдение о душах, градоправителем мудрость и силу, судиям правду и нелицеприятие, наставником разум и смиренномудрие, супругом любовь и согласие, чадом послушание, обидимым терпение, обидящим страх Божий, скорбящим благодушие, радующимся воздержание; всем же нам дух разума и благочестия, дух милосердия и кротости, дух чистоты и правды. Ей, Госпоже Пресвятая, умилосердися на немощныя люди Твоя; разсеянныя собери, заблуждшия на путь правый настави, старость поддержи, юныя уцеломудри, младенцы воспитай и призри на всех нас призрением милостиваго Твоего заступления, воздвигни нас из глубины греховныя и просвети сердечныя очи наша ко зрению спасения; милостива нам буди зде и тамо, в стране земнаго пришельствия, и на Страшнем Суде Сына Твоего: преставльшияся же в вере и покаянии от жития сего отцы и братию нашу в Вечней Жизни со Ангели и со всеми святыми жити сотвори. Ты бо еси, Госпоже, Слава небесных и Упование земных, Ты по Бозе наша Надежда и Заступница всех притекающих к Тебе с верою. К Тебе убо молимся и Тебе, яко Всемогущей Помощнице, сами себе и друг друга и весь живот наш предаем, ныне и присно, и во веки веков. Аминь.
12 (25) октября - икона Божией Матери «ИЕРУСАЛИМСКАЯ» - молятся при пожаре, эпидемии холеры, об избавлении от падежа скота, об исцелении от слепоты, паралича.
Тропарь, глас 3:
Твоего предстательства уверение/ и милосердия Твоего явление/ икона Иерусалимская нам, Владычице, показася/ пред нею же души наша в молитве изливаем/ и верою Тебе вопием:/ возри, Милосердная, на люди Твоя,/ вся скорби наша и печали утоли,/ утешение благое в сердца наша низпосли/ и спасение вечное душам нашим, Пречистая, испроси.
Молитва
Пресвятая Госпоже, Владычице Богородице, упование всех уповающих на Тя, Заступнице печальных, прибежище отчаянных, вдов и сирот Питательнице! Услыши и помилуй ны, грешныя и недостойныя рабы Своя, со умилением ко пречистому Твоему образу припадающия: умоли, Милосердая Владычице, Сына Твоего и Господа нашего Иисуса Христа, да отвратит от нас праведный гнев Свой, да простит грехи и беззакония наша, яко да сподобимся благостию Его скончати житие наше в покаянии и получити милость Его со всеми избранными Его, яко благословена и препрославлена еси во веки веков. Аминь.
15 (28) октября - икона Божией Матери «СПОРИТЕЛЬНИЦА ХЛЕБОВ» - молятся об избавлении от засухи, гибели хлебов, голода.
Молитва
О, Пречистая Дево Богородице, Премилостивая Владычице, Царице небеси и земли, всякаго дома и семейства христианского Благоустроительнице, трудящихся Благословение, нуждающихся неистощимое Богатство, сирых и вдовиц и всех людей Кормилице! Питательнице наша, рождшая Питателя Вселенныя и Спорительнице хлебов наших: Владычице, ниспосли Твое Матернее благоволение и благословение святым обителем, градом нашим и селам, и нивам, и каждому на Тя упование имущему. С благоговейным трепетом и сокрушенным сердцем смиренно молимся Тебе: о, Премилосердная Мати рода христианскаго, буди и нам грешным и недостойным рабом Твоим мудрая домостроительнице, житие наше добре устрояющая. Всякое же общество, всякий дом и семейство во благочестии и православии, единомыслии, послушании и довольстве соблюди. Нищия и неимущия пропитай, старость поддержи, младенцы воспитай, всех вразуми преискренне взывати ко Господу: «Хлеб наш насущный даждь нам днесь». Сохрани, Пречистая Мати, люди Твоя от всякия нужды, болезни, глада, губительства, огня, злаго обстояния и всякаго нестроения. Святым обителем, градом, весем нашим, домом и семействам и всякой душе христианской и всей стране нашей исходатайствуй мир и велию милость. Да славим Тя, Пречистую Питательницу и Кормительницу нашу, ныне и присно и во веки веков. Аминь.
24 (6) октября - икона Божией Матери «ВСЕХ СКОРБЯЩИХ РAДOCTЬ» - молятся все обиженные, угнетенные, страждущие; страдающие припадками, расслаблением рук, болезнью горла, туберкулезом.
Тропарь, глас 8:
Ко источнику приснотекущему милосердия,/ Пречистей Деве Богородице,/ притецем, людие вси, священницы же и иноцы,/ мужие и жены, и чада, здравии и болящие,/ в покаянии вопиющие и умильно глаголюще:/ Владычице, помози грешным рабом Твоим,/ яви яко Благая славу Твою,/ присно потщися умилосердитися на ны,/ испросити очищение душ и телес наших/ от Источника жизни нашей, Бога,/ Егоже родила еси, едина Благословенная.
Молитва
О Пресвятая Владычице и Богородице, Высшая Херувим и Честнейшая Серафим, Богоизбранная Отроковице, погибших Взыскание и всех скорбящих Радосте! Подаждь утешение и нам, в погибели и скорби сущим; разве бо Тебе иного прибежища и помощи не имамы. Ты едина еси радости нашея Ходатаица, и яко Матерь Божия и Мати милосердия, предстоящи у Престола Пресвятой Троицы, можеши нам помощи, никтоже бо притекаяй к Тебе посрамлен отходит. Услыши убо и нас ныне в день погибели и печали пред Твоею иконою припадающих и со слезами Тебе молящихся: отжени от нас належащия на нас скорби и беды в сей временней жизни, не лишены же сотвори Твоим всесильным ходатайством и вечныя нескончаемыя радости в Царствии Сына Твоего и Бога нашего. Аминь.
9 (22) ноября - икона Божией Матери «СКОРОПОСЛУШНИЦА» - молятся при многих недугах - слепоте, хромоте, расслаблении, находящиеся в плену, попавшие вкораблекрушение.
Тропарь, глас 4:
К Богородице притецем сущий в бедах,/и ко Святей иконе Ея ныне припадем,/ с верою зовуще из глубины души:/ скоро наше услыши моление, Дево,/ яко Скоропослушница нарекшаяся:/ Тебе бо раби Твои в нуждах готовую помощницу имамы.
Молитва
О, Пресвятая Дево, Мати Господа Вышняго, Скоропослушная заступнице всех, к Тебе с верою прибегающих! Призри с высоты небеснаго величия своего на мене непотребнаго, припадающего к иконе Твоей, услыши скоро смиренную молитву мене грешнаго и принеси ю к Сыну своему: умоли Его, да озарит мрачную душу мою светом Божественныя благодати Своея и очистит ум мой от помыслов суетных, да успокоит страждущее мое сердце и исцелит раны его, да вразумит мя на добрая дела и укрепит работати Ему со страхом, да простит вся содеянная мною злая, да избавит вечныя муки и не лишит небеснаго Своего царствия. О Преблагословенная Богородице: Ты благоизволила еси нарещися во образе своем Скоропослушница, повеливающи всем притекати к Тебе с верою: не призри убо мене скорбнаго и не попусти погибнути мне в бездне грехов моих. На Тя по Бозе все мое упование и надежды спасения, и Твоему покрову и предстательству поручаю себе во веки. Аминь.
27 (10) ноября - икона Божией Матери «ЗНАМЕНИЕ» Новгородская - молятся о прекращении бедствий, от воров.
Тропарь, глас 4:
Я ко необоримую стену и источник чудес/стяжавше Тя раби Твои,/ Богородице Пречистая,/ сопротивных ополчения низлагаем./ Темже молим Тя:/ мир граду Твоему даруй/ и душам нашим велию милость.
Молитва
О, Пресвятая и Преблагословенная Мати Сладчайшаго Господа нашего Иисуса Христа! Припадаем и покланяемся Тебе пред Святою чудотворною иконою Твоею, воспоминающе дивное знамение Твоего заступления, Великому Новуграду от нея явленное во дни ратнаго нань нашествия. Смиренно молим Тя, Всесильная рода нашего Заступнице: якоже древле отцем нашим и помощь тогда ускорила еси, тако и ныне нас немощных и грешных Твоего Матерняго заступления и благопопечения сподоби. Спаси и сохрани, Владычице, под кровом милости Твоея всю Россию, и все христолюбивое ея воинство. Церковь святую утверди, град Твой, и всю страну нашу православную и всех нас, припадающих к Тебе с верою и любовию и умиленно просящих со слезами Твоего заступления, помилуй и сохрани. Ей, Госпоже Всемилостивая! Умилосердися на ны, обуреваемыя грехми многими, простри ко Христу Господу Богоприимныя руце Твои и предстательствуй за нас пред благостию Его, просящи нам прощения прегрешений наших, благочестнаго мирнаго жития, Благая христианския кончины добраго ответа на Страшнем Суде Его: да спасаеми всесильными Твоими к нему молитвами, блаженство райское унаследуем, и со всеми святыми воспоем пречестное и великолепое имя достопокланяемыя Троицы, Отца и Сына и Святаго Духа, и Твое велие к нам милосердие во веки веков. Аминь.
9 (22) декабря - икона Божией Матери «НЕЧАЯННАЯ РАДОСТЬ» - к ней обращаются страдающие недугом глухоты
Тропарь, глас 4:
Днесь, верние людие, духовно торжествуем,/ прославляюще Заступницу усердную рода христианскаго,/ и, притекающе к пречистому Ея образу, взываем сице:/о Премилостивая Владычице Богородице,/ подаждь нам нечаянную радость,/ обремененным грехи и скорбьми многими,/ и избави нас от всякаго зла,/ молящи Сына Твоего, Христа Бога нашего,/ спасти души наша.
Молитва
О, Пресвятая Дево, Всеблагаго Сына Мати Всеблагая, града Москвы Покровительнице, всех сущих во гресех, скорбех, бедах и болезнех Верная Предстательнице и Заступнице! Приими молебное пение сие от нас, недостойных раб Твоих, Тебе возносимое, и якоже древле грешника, на всяк день многажды пред честною иконою Твоею молившагося, не презрела еси, но даровала еси ему нечаянную радость покаяния и преклонила еси Сына Твоего многим и усердным к Нему ходатайством ко прощению сего грешнаго и заблудшагося, тако и ныне не презри моления нас, недостойных рабов Твоих, и умоли Сына Твоего и Бога нашего, да и всем нам, с верою и умилением поклоняющимся пред цельбоносным образом Твоим, дарует нечаянную по коегождо потребе радость: грешником, погрязшим во глубине зол и страстей, вседейственное вразумление, покаяние и спасение; сущим в скорбех и печалех - утешение; обретающимся в бедах и озлоблениих - совершенное сих избытие; малодушным и ненадежным - надежду и терпение; в радости и изобилии живущим - непрестанное Благодетелю благодарение; бедствующим - милосердие; сущим в болезни и долгонедужии и оставленным врачами - нечаемое исцеление и укрепление; иждившим от недуга ум - ума возвращение и обновление; отходящим в вечную и нескончаемую жизнь - память смертную, умиление и сокрушение о гресех, дух бодр и твердую на милосердие Судии надежду. О Госпоже Пресвятая! Умилосердися ко всем, чтущим всечестное имя Твое, и всем яви всемощный покров Твой и заступление; во благочестии, чистоте и честнем жительстве пребывающия до последняго их скончания во благости соблюди; злыя благи сотвори; заблуждшия на путь правый настави; всякому делу благому и Сыну Твоему угодному споспешествуй; всякое дело злое и богопротивное разруши; в недоумении и трудных и опасных обстояниих обретающимся незримую помощь и вразумление с Небесе низпосли; от искушений, соблазнов и погибели спаси; от всех злых человек и от врагов видимых и невидимых защити и сохрани; плавающим сплавай; путешествующим спутешествуй; сущим в нужде и гладе буди Питательница; неимущим крова и пристанища буди покров и прибежище; нагим подаждь одеяние; обидимым и неправедно гонимым - заступление; клевету, поношение и хуление терпящия незримо оправдай; клеветники и хулители пред всеми обличи; ожесточенно враждующим нечаемое подаждь примирение, и всем нам друг ко другу любовь, мир и благочестие и здравие с долгоденствием. Супружества в любви и единомыслии сохрани; супруги, во вражде и разделении сущия, умири, соедини я друг ко другу и положи им союз любве неразрушимый; матерем, дети родящим, скорое подаждь разрешение; младенцы воспитай; юныя уцеломудри, отверзи им ум к восприятию всякаго полезнаго учения, страху Божию, воздержанию и трудолюбию настави; от домашней брани и вражды единокровных миром и любовию огради. Безматерних сирот буди Матерь, от всякаго порока и скверны отврати я и всему благому и Богоугодному научи, прельщенныя же и во грех и нечистоту падшия, скверну греха отъявши, из бездны погибели изведи. Вдов буди Утешительница и Помощница, старости буди жезл, от внезапныя смерти без покаяния всех нас избави, и всем нам христианскую кончину живота нашего, безболезненну, непостыдну, мирну и добрый ответ на страшнем Судищи Христове даруй. Преставльшияся в вере и покаянии от жития сего со Ангелы и всеми святыми жити сотвори, скончавшимся внезапною смертию милостива быти Сына Твоего умоли, и о всех усопших, иже не имут сродников, о упокоении их Сына Твоего умоляющих, Сама буди непрестанная и теплая Молитвенница и Ходатаица, да вси на Небеси и на земли ведят Тя, яко твердую и непостыдную Предстательницу рода христианского, и, ведуще, славят Тя и Тобою Сына Твоего, со Безначальным Его Отцем и Единосущным Его Духом, ныне и присно и во веки веков. Аминь.
20 (2) декабря - икона Божией Матери «СПАСИТЕЛЬНИЦА УТОПАЮЩИХ» - обращаются те, которым приходится вручать себя во власть водной стихии.
Молитва
Заступнице усердная, Мати Господа Вышняго! Ты еси всем христианам помощь и заступление, паче же в бедах сущым. Призри ныне с высоты святыя Твоя и на ны, с верою покланяющыяся Пречистому Образу Твоему, и яви, молим Тя, скорую помощь Твою по морю плавающим скорби терпящим. Подвигни и вся православныя христианы на спасение в водах утопающих, и воздаждь подвизающымся о сем богатыя милости и щедроты Твоя. Се бо, на Образ Твой взирающе, Тебе яко милостивно сущей с нами, приносим смиренная моления наша. Не имамы бо ни иныя помощи, ни инаго предстательства, ни утешения, токмо Тебе, о Мати всех скорбящих и напутствуемых. Ты бо наша надежда и заступница, и на Тя уповающе, сами себе, и друг друга, и всю жизнь нашу Тебе предаем во веки веков. Аминь.
26 (8) декабря - икона Божией Матери «ТРЕХ РАДОСТЕЙ» - молятся об оправдании обвиненных, об освобождении из плена, о возвращении утраченного.
Тропарь, глас 4:
От святыя иконы Твоея/радости неизреченныя преисполнила еси сердце благочестивыя жены./ О Пречистая Владычице мира,/ Всемощная Царица радосте, Приснодево твари,/ етда возвратила оной и мужа, и сына, и достояние ея,/ такожде и всем нам милосердствуеши, даруй исполнение благих желаний,/ источая присно текущий источник радость молящимся Тебе и вседушно вопиющим:/ Радость всему миру родившая,/ радости исполни неоскудевающеи чтущих Тя.
Молитва
О, Пресвятая Дево, Всеблагаго Сына Мати Всеблагая, царствующего града и святаго храма сего покрове, всем верная предстательнице и заступнице! Не презри моления нас, недостойных раб твоих, но умоли сына Твоего и Бога нашего, да всем нам, с верою и умилением пред чудотворным образом Твоим покланяющымся, по коегождо потребе радость дарует: грешником вседейственное вразумление, покаяние же и спасение; сущым в скорбех и печалех утешение; в бедах и озлоблениих пребывающым совершенное сих избытие; малодушным и ненадежным надежду и терпение; в радости и изобилии живущым непрестанное Богу благодарение; сущым в болезни исцеление и укрепление. О госпоже Пречистая! Умилосердися ко всем чтущым всечестное имя Твое, и всем яви всемощный покров Твой и заступление: от враг видимых и невидимых люди твоя защити и сохрани. Супружества в любви и единомыслии утверди; младенцы воспитай, юныя уцеломудри, отверзи им ум к восприятию всякаго полезнаго учения; от домашния свары единокровныя люди миром и любовию огради, и всем нам подаждь друг ко другу любовь, мир и благочестие и здравие со долгоденствием, да вси на небеси и на земли ведят Тя, яко твердую и непостыдную предстательницу рода христианскаго, и сие ведущие, славят Тя и Тобою Сына Твоего, со безначальным Его Отцем и единосущным Его Духом, ныне и присно и во веки веков. Аминь.
Икона Божией Матери «ВСЕЦАРИЦА» - молятся об исцелении при раковых заболеваниях.
Тропарь, глас 4:
Образом радостотворным честныя Всецарицы, Желанием теплым взыскающих благодати Твоея, спаси Владычице; избави от обстояний к Тебе прибегающих; от всякия напасти огради стадо Твое, к заступлению Твоему взывающе присно.
Молитва 1
О Пречистая Богомати, Всецарице! Услыши многоболезненное воздыхание наше пред чудотворною иконою Твоею, из Афонского удела в Россию пренесенною, призри на чад Твоих, неисцельными недуги страждущих, ко святому образу Твоему с верою припадающих! Якоже птица крилома покрывает птенцы своя, тако и Ты ныне присно жива сущи, покрый нас многоцелебным Твоим омофором. Тамо, идеже надежда исчезает, несумненною Надеждою буди. Тамо, идеже лютыя скорби превозмогают, Терпением и Ослабою явися. Тамо, идеже мрак отчаяния в души вселися, да возсияет неизреченный свет Божества! Малодушныя утеши, немощныя укрепи, ожесточенным сердцам умягчение и просвещение даруй. Исцели болящия люди Твоя, о всемилостивая Царице! Ум и руки врачующих нас благослови; да послужат орудием Всемощнаго Врача Христа Спаса нашего. Яко живей Ти сущей с нами молимся пред иконою Твоею, о Владычице! Простри руце Твои, исполненныя исцеления и врачбы, Радосте скорбящих, в печалех Утешение, да чудотворную помощь скоро получив, прославляем Живоначальную и Нераздельную Троицу, Отца, и Сына, и Святаго Духа во веки веков. Аминь.
Молитва 2
Всеблагая, досточудная Богородице, Пантанасса, Всецарице! Несмь достоин, да внидеши под кров мой! Но яко милостиваго Бога любоблагоутробноая Мати рцы слово, да исцелится душа моя и укрепится немощствующее тело мое. Имаши бо державу непобедимую, и не изнеможет у Тебе всяк глагол, о Всецарице! Ты за мя упроси. Ты за мя умоли. Да прославляю преславное имя Твое всегда, ныне и в бесконечныя веки. Аминь.
16 (29) сентября - икона Божией Матери «ПРИЗРИ НА СМИРЕНИЕ» Курская - молятся об исцелении от слепоты, холеры
Тропарь:
Необоримая стена образ Твой и источник чудес якоже древле от Него заступление Твое граду Пскову даровала еси тако и ныне нас от всех бед и скорбен милостивно избави и спаси души наши яко любвеобильная Мати.
Молитва
О, Пресвятая Госпоже, Дево Богородице, высшая Херувим и Честнейшая Серафим, Богоизбранная Отроковице! Призри с высоты небесной милостивным Твоим оком на нас, недостойных рабов Твоих, со умилением и слезами молящихся пред Пречистым образом Твоим; не лиши нас Твоего заступления и покрова Державного в странствии сем земном, многоскорбном и многомятежном. Спаси нас в погибели и скорби сущих, воздвигни из глубины греховныя, просвети ум наш, омраченный страстьми и уврачуй язвы душ и телес наших! О, Всещедрая Мати Человеколюбиваго Владыки! Удиви на нас пребогатыя милости Твоя, укрепи немощную волю нашу к деланию заповедей Христовых, умягчи окаменелая сердца наша любовию к Богу и ближним, даруй нам сокрушение сердечное и покаяние истинное, да очистившеся от скверны греховныя, сподобимся мирныя христианския кончины и добраго ответа на Страшнем и нелицеприятием Суде Господа нашего Иисуса Христа, Емуже со Безначальным Его Отцем и Пресвятым, Благим и Животворящим Духом, подобает всякая слава, честь и поклонение, ныне и присно и во веки веков. Аминь.
50 главных молитв для женщины Берестова Наталия
Молитвы ко Пресвятой Богородице
Кому, как не Пречистой Матери Божьей, величайшей из женщин, ступавшей по нашей Земле, обращать свои молитвы дочерям Господним? Кто, как не Пресвятая Богородица, поймет и услышит молитву девы, жены и матери? Кто лучше Ее утешит и защитит женщину в любой беде и тревоге?
Потому-то испокон веков девушки и женщины во всех своих печалях и нуждах обращают горячие молитвы Богоматери, с любовью и благоговением именуя Ее Матушкой-Заступницей.
Икона Пресвятой Богородицы «Владимирская»
Молитва первая
О Пресвятая Госпоже Владычице Богородице! Воздвигни нас, раб Божиих (имена) из глубины греховныя и избави нас от смерти внезапныя и от всякого зла. Подаждь, Госпоже, нам мир и здравие и просвети нам ум и очи сердечныя, еже ко спасению, и сподоби ны, грешныя рабы Твоя, Царствия Сына Твоего, Христа Бога нашего: яко держава Его благословенна со Отцем и Пресвятым Его Духом.
Молитва вторая
Пресвятая Дево, Мати Господа, покажи на мне, убозем, и рабах Божиих (имена) древния милости Твоя: низпосли дух разума и благочестия, дух милосердия и кротости, дух чистоты и правды. Ей, Госпоже Пречистая! Милостива мне буди зде и на Страшнем Суде. Ты бо еси, Госпоже, слава небесных и упование земных. Аминь.
Молитва третья
Нескверная, Неблазная, Нетленная, Пречистая, Неневестная Богоневесто, Богородице Марие, Госпоже мира и Надежде моя! Призри на мя, грешнаго, в час сей и Егоже из чистых кровей Твоих неискусомужно родила еси Господа Иисуса Христа, милостива мне соделай матерними Твоими молитвами; Того зревшая осужденна и оружием печали в сердце уязвившаяся, уязви душу мою Божественною любовию! Того в узах и поруганиях горце оплакавшая, слезы сокрушения мне даруй; при вольном Того ведении на смерть душею тяжце поболевшая, болезней мя свободи, да Тя славлю, достойно славимую во веки. Аминь.
Молитва четвертая
Заступнице усердная, благоутробная Господа Мати! К Тебе прибегаю аз, окаянный и паче всех человек грешнейший: вонми гласу моления моего, и вопль мой и стенание услыши. Яко беззакония моя превзыдоша главу мою и аз, якоже корабль в пучине, погружаюся в море грехов моих. Но Ты, Всеблагая и Милосердая Владычице, не презри мене, отчаяннаго и во гресех погибающаго; помилуй мя, кающагося во злых делех моих, и обрати на путь правый заблуждшую окаянную душу мою. На Тебе, Владычице моя Богородице, возлагаю все упование мое. Ты, Мати Божия, сохрани и соблюди мя под кровом Твоим, ныне и присно и во веки веков. Аминь.
Молитва пятая
Пресвятая Владычице Богородице, единая чистейшая душею и телом, единая превысшая всякой чистоты, целомудрия и девства, единая всецело соделавшаяся обителию всецелой благодати всясвятаго Духа, самыя невещественыя силы здесь еще несравненно превзошедшая чистотою и святынею души и тела, призри на мя мерзкаго, нечистаго, душу и тело очернившаго скверною страстей жизни моей, очисти страстный мой ум, непорочными соделай и благоустрой блуждающие и слепотствующие помыслы мои, приведи в порядок чувства мои и руководствуй ими, освободи меня от мучительствующаго надо мною злаго и гнуснаго навыка к нечистым предразсудкам и страстям, останови всякий действующий во мне грех, омраченному и окаянному уму моему даруй трезвение и разсудительность для исправления своих поползновений и падений, чтобы, освободившись от греховной тьмы, сподобился я с дерзновением прославлять и песнословить Тебя, единую Матерь истиннаго Света – Христа, Бога нашего; потому что Тебя одну с Ним и о Нем благословляет и славит всякая невидимая и видимая тварь ныне, и всегда, и во веки веков. Аминь.
Молитва шестая
О Пресвятая Дево, Мати Господа Вышняго, Заступнице и Покрове всех, к Тебе прибегающих! Призри с высоты святыя Твоея на мя, грешнаго (имя), припадающаго ко пречистому образу Твоему; услыши мою теплую молитву и принеси ю пред Возлюбленнаго Сына Твоего, Господа нашего Иисуса Христа; умоли Его, да озарит мрачную душу мою светом Божественныя благодати Своея, да избавит мя от всякия нужды, скорби и болезни, да низпослет мне тихое и мирное житие, здравие телесное и душевное, да умирит страждущее сердце мое и исцелит раны его, да наставит мя на добрая дела, ум мой убо от помышлений суетных да очистит, исполнению же заповедей Своих мя научив, от вечныя муки да избавит и Своего Небеснаго Царствия да не лишит мя. О Пресвятая Богородице! Ты, «Всех скорбящих Радосте», услыши и мя, скорбнаго; Ты, именуемая «Утоление печали», утоли и мою печаль; Ты, «Купино Неопалимая», сохрани мир и всех нас от вредоносных огненных стрел врага; Ты, «Взыскание погибших», не попусти и мне погибнути в бездне грехов моих. На Тя бо по Бозе вся моя надежда и упование. Буди мне в жизни временней Заступница, и о жизни вечней пред Возлюбленным Сыном Твоим, Господем нашим Иисусом Христом, Ходатаица. Научи мя Тому убо с верою и любовию служити, Тебе же, Пресвятая Мати Божия, Преблагословенная Марие, благоговейно чтити до скончания дней моих. Аминь.
Утром и вечером я молитвы читаю нашей святой Заступнице, Матушке-Богородице. И что бы со мной ни случилось в течение дня – просто грустно станет на душе, тоскливо, или неприятность какая-то произойдет, или заболит что-то – и всегда молитвой спасаюсь. Знаю, что слышит Она каждое мое слово и всегда – незримо со мной рядом. И всегда помощь приходит и утешение немедленно.
Мария Н., Геленджик
Из книги Божья АПТЕКА. Лечение заболеваний позвоночника. автора Киянова И ВМолитвы ко Пресвятой Богородице Молитва Пресвятая Богородице, всесильным заступлением Твоим помоги мне умолить Сына Твоего, Бога моего, об исцелении раба Божия
Из книги 1000 вопросов и ответов о вере, церкви и христианстве автора Гурьянова ЛилияМОЛИТВЫ КО ПРЕСВЯТОЙ БОГОРОДИЦЕ РАДИ ЕЯ ИКОНЫ «НЕУПИВАЕМАЯ
Из книги Когда болеют дети. Советы врача-священника автора Грачев священник Алексий Из книги Творения. Том 2 автора Сирин Ефрем Из книги Пути блаженных. Ксения Петербургская. Матронушка-Босоножка. Мария Гатчинская. Любушка Сусанинская автора Печерская Анна ИвановнаМолитвы ко Пресвятой Богородице Молитва 1–я Пресвятая Владычица Богородица, Единая чистейшая душою и телом, Единая превысшая всякой чистоты, целомудрия и девства, Единая всецело соделавшаяся обителью всецелой благодати Всесвятаго Духа, самые невещественные силы здесь
Из книги 100 молитв на быструю помощь. Главные молитвы на деньги и материальное благополучие автора Берестова НаталияМолитвы ко Пресвятой Богородице Молитва первая Царице моя преблагая, надеждо моя Богородице, приятелище сирых и странных предстательнице, скорбящих радосте, обидимых покровительнице! Зриши мою беду, зриши мою скорбь, помози ми яко немощну, окорми мя яко странна. Обиду
Из книги Главные молитвы к Пресвятой Богородице. Как, в каких случаях и пред какой иконой молиться автора Глаголева ОльгаМолитвы для получения благодатной помощи и поддержки Молитвы Пресвятой Богородице Почитание Божьей Матери на Руси Поклонение Пресвятой Богородице как защитнице Русской земли и заступнице за русский народ – давняя традиция Христианской Руси.За тысячу лет Божья Матерь
Из книги Молитвы о любящих и любимых автора Лагутина Татьяна ВладимировнаМолитвы к Пресвятой Богородице
Из книги Самые главные молитвы и праздники автора Автор неизвестенМолитвы Пресвятой Богородице перед ея иконой, именуемой «Державная» Молитва первая О, Державная Владычице Пресвятая Богородице, на объятиях Своих держащая Содержащаго всю вселенную Царя Небеснаго! Благодарим Тя за неизреченное милосердие Твое, яко благоволила еси
Из книги 400 чудотворных молитв для исцеления души и тела, защиты от бед, помощи в несчастье и утешения в печали. Молитвы стена нерушимая автора Мудрова Анна ЮрьевнаМолитвы Пресвятой Богородице перед Ее иконой «Феодоровская» о зачатии Молитва перваяО Пресвятая Владычице Богородице и Приснодево Марие, единая надеждо нам грешным, к Тебе прибегаем и Тебе молим, яко велие имаши дерзновение пред рождшимся от Тебе по плоти Господом
Из книги 50 главных молитв на привлечение любимого человека в свою жизнь автора Берестова НаталияМолитвы Пресвятой Богородице перед Ее иконой «Млекопитательница» По традиции, перед этой иконой молятся о счастливых родах, особенно усердно молятся матери о благополучном грудном вскармливании и здоровье младенцев. Найдите для себя список с иконы «Млекопитательница»
Из книги 50 главных молитв для женщины автора Берестова НаталияМолитвы Пресвятой Богородице Тропарь, глас 4Заступнице усердная, Мати Господа Вышняго! За всех молиши Сына Твоего, Христа Бога нашего, и всем твориши спастися, в державный Твой покров прибегающим. Всех нас заступи, о Госпоже, Царице и Владычице, иже в напастех и в скорбех и
Из книги Чудодейственная сила материнской молитвы автора Михалицын Павел ЕвгеньевичО покровительстве в устройстве судьбы. Молитвы к Пресвятой Богородице Почитание Божьей Матери на Руси Особое почитание Богородицы на Руси утвердилось в первые же годы принятия Русской землей христианской веры. Главный храм, построенный в Киеве, был освящен в честь
Из книги Бог в помощь. Молитвы для жизни, здоровья и счастья автора Олейникова Таисия СтепановнаМолитвы ко Пресвятой Богородице Кому, как не Пречистой Матери Божьей, величайшей из женщин, ступавшей по нашей Земле, обращать свои молитвы дочерям Господним? Кто, как не Пресвятая Богородица, поймет и услышит молитву девы, жены и матери? Кто лучше Ее утешит и защитит
Из книги автораМолитвы ко Пресвятой Богородице Молитва первая О Пресвятая Госпоже Владычице Богородице, вышши еси всех Ангел и Архангел, и всея твари честнейши, помощнице еси обидимых, ненадеющихся надеяние, убогих заступнице, печальных утешение, алчущих кормительнице, нагих одеяние,
Из книги автораМолитвы ко Пресвятой Богородице Молитва первая О Пресвятая Госпоже Владычице Богородице! Вышши еси всех Ангел и Архангел и всея твари честнейши, помощница еси обидимых, ненадеющихся надеяние, убогих заступница, печальных утешение, алчущих кормительница, нагих одеяние,
Если много может молитва праведного, то тем более сильна молитва Пресвятой Богородицы.
Она еще во время Своей земной жизни обрела благодать у Господа и обращалась к Нему с ходатайством за тех, кто просил Ее помощи и заступления.
Особенной же благодати и близости к Престолу Божию Пресвятая Богородица удостоилась после Своего Успения. Она преселилась на Небо не только для того, чтобы пребывать в сиянии и величии Божественной Славы Своего Сына, но и для того, чтобы Своими молитвами ходатайствовать о нас пред Ним. "Радуйтесь! Я с вами во все дни", - сказала Она, явившись святым апостолам.
Пресвятая Дева, живя на земле, сама испытала те же лишения, нужду, беды и напасти, которые испытываем и мы. Она пережила скорбь крестных страданий и смерти Своего Сына. Она знает наши немощи, нужды и скорби. Каждый наш грех причиняет Ей страдание, и в то же время каждая наша беда находит у Нее сочувствие. Какая мать не заботится о своих детях и не болеет сердцем от их несчастий? Какая мать оставляет их без своей помощи и внимания? Матерь Божия всегда готова подать нам благовременную помощь.
Матерь Божия подобно солнцу светит и согревает нас лучами Своей любви и оживотворяет наши души данною Ей от Бога благодатью. Духом Своим Она всегда пребывает на земле. Когда блаженный Андрей юродивый подобно апостолу Павлу был восхищен духом в Небесные обители и узрел там Господа, он стал скорбеть, не видя Пречистой Богородицы. Но Ангел сказал ему, что Она удалилась в мир помогать людям.
Все мы обременены скорбями, жизненными невзгодами, болезнями и напастями, ибо все согрешаем. Слово Божие говорит, что нет человека, который бы пожил на земле и не согрешил. Но Бог есть высшая Любовь, и по любви к Своей Матери и к нам Он принимает Ее молитвы. Мы веруем в Ее постоянное предстательство и ходатайство за нас, грешных, пред Милостивым и Человеколюбивым Богом и в силу Ее молитв. Будем прибегать к Ней как к тихому и доброму пристанищу и усердно призывать Ее всесвятое и всепетое имя. И Она не оставит нас нечаянной радостью спасения.
Молитвы о заступничестве Богородицы
Эту молитву в идеале лучше произносить перед иконой "Семистрельная"(Умягчение злых сердец), но подойдет и любой другой образ Пресвятой Богородицы
«Умягчи наша злая сердца, Богородице,
и напасти ненавидящих нас угаси
и всякую тесноту души нашея разреши.
На Твой бо святый образ взирающее,
Твоим страданием и милосердием о нас умиляемся
и раны Твоя лобызаем,
стрел же наших, Тя терзающих, ужасаемся.
Не даждь нам, Мати Благосердная,
в жестокосердии нашем и от жестокосердия ближних погибнути.
Ты бое си воистину злых сердец умягчение».
Молитвы ко Пресвятой Богородице
«Под твою милость прибегаем, Богородице Дево:
молений наших не призри в скорбех, но от бед избави нас,
Единая Чистая и Благословенная.
Пресвятая Богородице, Спаси нас!»
«О многострадальная Мати Божия, Превысшая всех дщерей земли,
по чистоте Своей и по множеству страданий,
Тобою на земли перенесенных,
приими многоболезненныя воздыхания наша
и сохрани нас под кровом Твоея милости.
Иного бо прибежища и теплаго предстательства разве Тебе не вемы,
но, яко дерзновение имущая ко Иже из Тебе рожденному,
помози и спаси ны молитвами Своими,
да непреткновенно достигнем Царствия Небеснаго,
идеже со всеми святыми будем воспевать в Троице единому Богу ныне и присно, и во веки веков. Аминь».
«О Пресвятая и Преблагословенная Владычице Богородице,
прими сердечные молитвы сии,
с великой надеждой и верой на Твое безмерное милосердие возносимые,
помилуй, заступи, сохрани и защити мя, рабу (раба) Божью (его)
от всякого зла и подаждь ми Твоей помощи (указать просьбу).
Заступнице усердная, избави мя по молитвам сим,
к Тебе от всего сердца и души возносимым,
от всякого вреда колдовского, соблазнов мира,
от вожделений греховных, от козней диавольских
и от нападения врагов видимых и невидимых..
И покрый Честным Своим Молитвенным Покровом от всякого зла. Аминь»
«
О Пресвятая Владычице Богородице, Царице небесная,спаси и помилуй нас, грешных рабов Твоих (имя),
от напрасные клеветы и от всякие беды, напасти и внезапные смерти,
помилуй в дневных часах, утренних и вечерних,
и во все время сохрани нас - стоящих, сидящих,
на всяком пути ходящих, в ночных часах спящих,
снабди, заступи и покрый, защити.
Владычице Богородице, от всех врагов видимых и невидимых,
от всякого злого обстояния,
во всяком месте и во всякое время будь нам Мати Преблагая необоримая стена,
и крепкое заступление всегда,
и ныне, и присно, и во веки веков. Аминь».
Есть краткая молитва к Пресвятой Богородице, которую нам следует произносить возможно чаще.
«Богородице Дево, радуйся, Благодатная Марие, Господь с Тобою;
благословена Ты в женах и благословен плод чрева Твоего,
яко Спаса родила еси душ наших»
Эти слова взяты из приветствия Архангела Гавриила, когда он возвещал Пресвятой Деве Марии о рождении от Нее по плоти Сына Божия (Лк. 1, 28).
Молитвы матери обладают огромной силой. А молитвы Пресвятой Богородице о детях усиливают это могущество во много раз. Для детей они имеют огромное значение. Считается, что именно молитвы, идущие из любящего материнского сердца, Господь принимает сразу же. Тем более - молитвы, обращенные к Пресвятой Богородице с просьбой о ниспослании милости на детей. Она самая добрая и ласковая Мать всей земли, неустанно молится и вопрошает о милости у своего сына Иисуса Христа. Молитвы Пресвятой Богородице о детях - одни из самых могущественных во всем молитвослове.
Каждую молитву, идущую из любящего сердца матери, Господь принимает с радостью. Ведь нет ничего более искреннего, чем молитва матери за своих детей. Более того, плоды такой молитвы безграничны. Однако родителям следует правильно выбирать слова молитвы, поскольку большой грех молиться о благе, которое будет получено в ущерб другим. О греховном деле также не стоит вопрошать. Конечно, человек имеет полное право просить Господа о материальных, земных вещах, например, о здоровье детей, об их семейном благополучии, об успехе в учебе, о материальном благе, но не следует в молитвах забывать о высших, духовных ценностях и о планах самого Господа.
Каждая мать всегда может обратиться к Пресвятой Богородице словами своего сердца. Но и церковь предлагает в помощь молитвы Пресвятой Богородице о детях.
Покрова Пресвятой Богородицы
История праздника Покровы уходит своими корнями в далекое прошлое. Отмечается он в середине осени - 14 октября. Считается, что в этот день Матерь Божья проливает особую милость на всех, кто к ней обращается. Поэтому молитва на Покрова Пресвятой Богородицы о детях считается самой сильной и могущественной. Чаще всего у Девы Марии в этот день просят защиты и покровительства. Но всем известно, что этот праздник ассоциируется с замужеством. Поэтому матери в этот день могут просить о том, чтобы удачно выдать замуж своих дочерей. Те же, кого Господь еще не одарил детьми, могут вопрошать о скорой беременности и здоровом малыше. Огромную силу имеет следующая молитва на Покрова Пресвятой Богородицы о детях.
Молитва на праздник «Покрова»
"О Дева Мария Пресвятая Богородица, защити и окутай Своим покровом моих детей (имена), всех детей в нашем роду, подростков, младенцев, крещенных и неназванных, носимых в утробе матери. Покрой их ризою Твоей материнской любви, научи их страху Божьему и послушанию своим родителям, попроси Господа, Твоего Сына о даровании спасения им. Я полностью полагаюсь на Твое Материнское смотрение, поскольку Ты есть Божественная Покрова всех раб Твоих.
Пресвятая Дева, надели меня образом Твоего Божественного материнства. Исцели душевные и телесные недуги детей моих (имена), которые мы, родители, нанесли им своими грехами. Всецело вручаю Господу Иисусу Христу и Тебе, Пречистая Богородице, всю судьбу своих чад. Аминь".
Молитва о детях Пресвятой Богородицы на праздник "Покрова" будут обязательно услышаны Господом.
Молитвы о рождении здоровых детей
Как ни печально, но сегодня проблема бесплодия стоит достаточно остро. Несмотря на то что современная медицина достигла определенного прогресса, все же большинство супружеских пар страдают оттого, что в их жизнь так и не приходит долгожданная душа. Однако выход есть. В большинстве случаев достаточно просто искренне помолиться Господу. Молитва Пресвятой Богородице о даровании детей невероятно действенна. Это могут подтвердить все, кому врачи ставили устрашающие диагнозы и кто вопреки всем наслаждается сейчас счастливым родительством.
Особую помощь в исцелении от женских недугов и даровании детей оказывает икона Божьей Матери Толгская. Молитвы Пресвятой Богородице о детях перед этой иконой могут сотворит настоящее чудо.
Молитва 1
"О, Пресвятая Дево Богородице, Святая Херувима и из всех! Ты, Вселюбящая Мать, Ты явила Свою многоцелебную икону блаженному святителю Трифону и ею сотворила множество чудес, и по сей день сотворяешь из милосердия ко всем нам. Припадаем и горячо молимся Тебе перед Твоим пречистым образом, о Заступнице наша. В многострадающей жизни нашей не лишай Своего милостивого покровительства нас, рабов Твоих.
Спаси нас и защити, Властительнице, от пронзительных стрел лукавого демона. Укрепи нашу веру и волю нашу ко всему праведному, дабы всегда следовать заповедям Христовым, смягчи наши каменные сердца безграничной любовью к Господу и всем ближним, даруй нам сердечное покаяние и сокруши дьявола в нашем сердце. Да очистится оно от всей скверны греховной, и сможем мы принести Господу плоды своих добрых дел.
О, Всемилостивая Госпожа! В этот страшный час яви нам Свое мощное покровительство, приди на помощь нам, беззащитным, защити нас рукою Своею от лютого зла, ибо много добра может принести молитва Твоя ко Господу нашему, Сыну Твоему.
Взирая на Твой Святой образ, поклоняемся Тебе с упованием и смирением, всю сущность свою Тебе передаем и молитвенно величаем Тебя с явлением Спасителя нашего, Господа Иисуса Христа. Ему же подобает всякая сила, честь и хвала. Аминь".
В некоторых источниках можно встретить утверждение, что это также о болящих детях Пресвятой Богородице.
Молитва 2
"О, Всеблагая Госпожа, Пречистая Дева Мария, прими эти молитвы, со слезами к тебе приносимые от нас, недостойных рабов Твоих перед целебным образом Твоим, ибо только Ты можешь услышать моления наши и исполнить всякую волю просящего.
Облегчи скорбь всех кающихся и молящихся о прощении грешников, очисти тело и дух прокаженных, прогони всех бесов, избавь от обид, прости все грехи и милуй малыми детьми. Освободи от темниц и оков страстей мирских, Ты, Праведница, Владычице Пресвятая Богородице, ибо все делается только ходатайством Твоим к Сыну Твоему Иисусу Христу, Господу нашему.
О, Блаженная Дево Марие! Не переставай молиться о нас, недостойных рабах Твоих, прославляющих Тебя и Святое имя Господне и поклоняющихся Твоему пречистому образу. Аминь".
Молитва матери о детях Пресвятой Богородице, идущая от самой ее души, всегда поможет во всех трудностях и бедах.
Прочитав эти сильнейшие молитвы, можно своими словами попросить у Девы Марии пресвятой богородице о рождении ребенка в таком случае будет иметь в несколько сотен раз большую силу.
Если дети болеют
Любая мать в горести взывает к Господу с просьбой об исцелении своего больного ребенка. И это правильно, так как никто более не в силах утешить ее и помочь. Молитва о детях Пресвятой Богородицы - это плачь каждой матери, скорбящей о своем больном чаде. Есть некоторые могущественные о помощи при болезнях детей. Можно молиться и своими словами. Боль в сердце матери, ребенок которой болеет, будет обязательно услышана. Также можно вопрошать принятыми молитвами христианской церкви. Невероятно сильна следующая молитва о болящих детях.
Молитва Пресвятой Богородице перед иконой, именуемой «Целительница»
"О, Всемогущая, Всеблагая Госпожа Владычице Дево Богородица, прими эти молитвы, приносимые Тебе со слезами на глазах от нас, недостойных рабов Твоих перед Твоим целительным образом вопрошающим с умилением, яко к Тебе Самой вездесущей и внемлющей молитвам нашим. По каждому прошению творишь, скорбь облегчаешь, немощным здравие даруешь, от всяких недугов исцеляешь, бесов прогоняешь, от обид и бед избавляешь, прокаженных очищаешь и малым детям помогаешь, Владычице Богородице, от всяких страстей врачуешь. Только Твоим ходатайством к Сыну Божьему теплим надежду на исцеление нашего чада (имя). Будь милостива, донеси до Сына Твоего сие прошение и дай нам надежду и веру в чудеса Тобой творимые. Во имя Отца и Сына и Святого духа и ныне и присно и во веки веков. Аминь".
Молитва Пресвятой Богородице о здоровье детей будет обязательно услышана, даже если произносить ее своими словами. Главное - верить в ее могущество и милость.
Рождество Пресвятой Богородицы
21 сентября все христиане отмечают один из важных праздников православной церкви - Рождество Пресвятой Богородицы. Этот благословенный день напрямую связан со святыми родителями Девы Марии - Иоакимом и Анною. Долгое время Господь не посылал им детей, и они неустанно молились Ему о чуде. В результате Господь внял их молитвам и послал им дочь - Деву Марию.
Все женщины, которые по тем или иным причинам не могут иметь детей, будут благословлены, если станут неустанно молиться на Рождество Пресвятой Богородицы. Молитва о детях в этот день настолько сильная, что плоды ее могут прийти в течении короткого времени.
Молитва о зачатии ребенка Пресвятой Богородице
"О, Непорочная, Благословенная Дева Мария, у Господа выпрошенная святыми мольбами, Богу отданная, Господом любимая, избранная матерью Господа нашего Иисуса Христа по своей чистоте души и тела. Кто же прославит Тебя или не ублажит, ведь Рождение Твое - это наше спасение.
Прими молитву нашу от недостойных рабов Твоих, не отринь мольбу нашего сердца. Тебя прославляем вновь и вновь, Твое величие воспеваем, к Тебе припадаем с умилением, как к скорой заступнице чадолюбивой. Молим Тебя, испроси у Сына Твоего Иисуса Христа, Бога нашего одарить нас недостойных благочестивой жизнью, да будем жить мы, как угодно то Богу нашему, и с пользой для душ наших.
О, Пресвятая Дева Мария, Царица небесная, призри со всею милостью Своею на рабов Твоих, к Тебе обращенных, которые не смогли еще обзавестись потомством, ниспошли Своим всесильным ходатайством исцеление от бесплодия. О, Богородице, услышь наши молитвы, утоли скорбь и даруй мужество жить во благе.
Смиренно прибегаем к Тебе и молим, испроси у Всемилостивого Господа нашего прощения за все грехи, нами содеянные по воли и без. И все, что в праведной жизни нужно будет нам, испроси у Сына Твоего, Христа Спасителя.
Ты единственная надежда наша в час смерти, одари нас христианской кончиной и введи в Царство Господне. Со всеми святыми молим Тебя неустанно и прославляем единого Господа, Отца и Сына и Святого Духа. Аминь".
На Рождество Пресвятой Богородицы молитва о детях особо сильна. Можно также молить Деву Марию о здоровье своих детей или о счастливом будущем.
Молитва о детях Пресвятой Богородице будет всегда услышана и принята.